2021 jylǵa qaraı «jasyl» jobalardy iske asyrý arqyly jańartylatyn energııa kózderin 46,2%-ǵa deıin arttyrýǵa bolady. Bul Memleket basshysynyń Joldaýda kórsetilgen tapsyrmalaryn tolyǵymen oryndaýǵa múmkindik beredi. Onda 2030 jyly Qazaqstanda balamaly energııanyń úlesi 30%-dy quraýy tıis ekendigi atalyp ótilgen bolatyn.
Aqmola oblysynyń jel áleýeti joǵary óńiri retinde Ereımentaý aýdany qarastyrylyp jatyr. Onda jel elektr stansasynyń qurylysy boıynsha birqatar jobalar júzege asyrylýda. «Mysaly, Indýstralızasııa kartasy aıasynda «Birinshi jel elektr stansasy» JShS Ereımentaý aýdanynda qýattylyǵy 45 MVt bolatyn jel elektr stansııasyn paıdalanýǵa berdi. 2015 jyly elektr energııasyn óndirý 78,9 mln kVt/saǵat bolsa, 2016 jyly - - 141,6 mln kVt/saǵat (oblystaǵy elektr energııasynyń 17%), 2017 jyly 166,4 mln kVt/saǵatty (19,6%) qurady. Selınograd aýdanynda «Agrofırma «Rodına» JShS 2013 jyly qýattylyǵy 750 kVt/saǵat bolatyn jel energetıka qondyrǵysyn iske qosty», - dedi vedomstvoda.
Arshaly aýdanynda «Aqbota» qoǵamdyq qory kún energııasyn qoldanatyn sý jylytqysh batareıalary, jaryqdıodty jaryqtandyrý, pırolızdik pesh, jylyjaılarda ósimdikterdi tamshylatyp sýarý sııaqty jańa «jasyl» tehnologııalardy ornatqan.
Qazirgi tańda óńirde balamaly energetıka salasynda iri jobalardy júzege asyrý jalǵasyp jatyr. Atap aıtqanda, Arshaly aýdanynda «SATEK Green Energy» JShS qýattylyǵy 100 MVt bolatyn jel elektr stansasynyń qurylysyn bastady. Jobanyń qýattylyǵ 82,5 mlrd teńge. «KB Enterprises» JShS Selınograd aýdanynda quny 165 mln eýrony (60 mlrd teńge) quraıtyn kún elektr stansasynyń qurylysy boıynsha daıyndyq jumystaryn júrgizip jatyr.
