«El gazeti «Egemen Qazaqstan» da bıylǵy jyldyń eń eleýli oqıǵasy Astananyń 20 jyldyǵyna úlken tartýmen kelip otyr. Astanaǵa baılanysty kóptegen dúnıeler jazylyp jatyr. О́zderińiz baıqap otyrsyzdar maýsym aıynyń basynan beri qalamyzdyń mereıtoıyna turaqty túrde birneshe bet arnap, Astana kúnine, Astana aıshyqtaryna baılanysty kóptegen maqala berip kelemiz», - dedi «Egemen Qazaqstan» gazetiniń basqarma tóraǵasy Darhan Qydyráli.
Onyń aıtýynsha, kitapty shyǵarý isi ótken jyly qolǵa alynyp, Egemenniń tilshileriniń, sholýshylarynyń kúshimen shyqqan.
«Bul bas basylymnyń elordaǵa tartýy dep bilińizder. «Baqordanyń» «baq»-y bir jaǵynan buqaralyq aqparat quraldary degendi bildiredi. Ekinshiden Astana shynymen de bizdiń baqordamyzǵa aınalyp otyr», - dedi ol.
Elbasy esimimen egiz atalatyn elorda ómirine arnalǵan bul kitap jalpyulttyq respýblıkalyq «Egemen Qazaqstan» gazetinde jaryq kórgen ártúrli janrdaǵy maqalalardan quralǵan.
Basylym tilshileri munda «Otanymyzdyń júregi, Táýelsizdigimizdiń tiregi» atanǵan Astananyń qoǵamdyq-saıası, áleýmettik-ekonomıkalyq jáne mádenı-rýhanı kelbeti tóńireginde oı tolǵaıdy.
Kitap taralymy - 1000 dana.
