«Ál-FAR-A» dep atanǵan úsh ishekti aspaby negizinen ulttyq úsh ishekti dombyramyzǵa óte uqsas. Úni de keremet. Arǵynbek Ahmetjanov qazaqtyń ulttyq aspaptaryn jasaýmen bala kezinen aınalysady eken. Osy kúnge deıin qolynan shyqqan dombyralaryn satyp, aqsha tabýdy jón kórmegen. Tek qana syıǵa tartady. Jáne Ál-Farabıdiń mýzykalyq teorııasynyń negizinde osy erekshe aspapty jasap shyǵarǵan. «Far» degen sol Farabıdiń aty. Al endi «A» degen sońǵy qarpi Abaıdyń qurmetine arnalǵan.
Arǵynbek Ahmetjanovtyń aıtýynsha, «Ál-FAR-A» dombyrasy Shymkenttiń Saıram jeriniń jańǵaǵynyń keptirilgen túrinen jasalǵan. Aspaptyń ereksheligi-kóshpendi halyqtyń túıeniń ústinde otyryp oınaıtyn kezeńinen syr shertip, kerýen kezgen, jer shalǵan dybystaryn beredi. Bul aspaptyń qudyreti bir adam emes, birneshe adam oınaǵanda nemes top bolyp án-kúı shertkende ǵana erekshelene túsedi.
Raýshan NUǴMANBEKOVA,
Sýretti túsirgen avtor
SEMEI
