Lıtvın jeńiske jetip ǵana qoımaı, Qazaqstannyń rekordyn jańartty. 22 jastaǵy atlet 400 metrdi 45.50 sekýndta júgirip ótti.
Lıtvın alǵashqy metrden qarqynyn údetip, qarsylastarynan oq boıy ozyp shyqty. Sońǵy sátke deıin jyldamdyǵyn báseńdetpegen sportshy márege jetkende 34 jyl boıy jańarmaǵan Qazaqstan rekordyna ózgeris engizdi. Buǵan deıingi Qazaqstan rekordy Aleksandr Kýrochkınge tıesili. Ol 1984 jyly atalǵan qashyqtyqty 45.52 sekýndta júgirip ótken. Al Mıhaıldyń buǵan deıingi jeke rekordy 46.08 sekýnd bolǵan. Qosanov atyndaǵy týrnırde 2015 jylǵy jeke rekord birden 0,58 sekýndqa jańardy.
