«№1 Perınataldy ortalyqta búgin saǵat 00:15-te dúnıege kelgen 4100 keli ul balaǵa kazaqtyń ulttyq aspaby tartý etildi. Sonymen qatar, №2 Perınataldy ortalyqta saǵat 00:20-da týǵan qyz bala da óziniń alǵashqy dombyrasyn qabyldap aldy. Úshinshi qalalyq Perınataldy ortalyqta da jańa týǵan eki sábıdiń analaryna ultymyzdyń qasıetti aspaby syıǵa berildi», - delingen basqarmanyń habarlamasynda.
Atalǵan aksııanyń maqsaty - qazaqtyń ulttyq aspaby dombyrany nasıhattaý arqyly ulttyq mádenıetti saqtaý jáne jandandyrý bolatyn.
Eske sala ketsek, Memleket basshysy Nursultan Nazarbaev ulttyq mádenıet pen biregeılikti saqtaý men qaıta jańǵyrtý ıdeıasynyń tóńireginde qoǵamdy odan ári toptastyrý maqsatynda shildeniń alǵashqy jeksenbisin - Ulttyq dombyra kúni dep belgileý týraly Jarlyqqa qol qoıǵan bolatyn. Atalǵan qujatqa sáıkes búgin Qazaqstan jurtshylyǵy Ulttyq dombyra kúnin alǵash ret atap ótýde.
