Abaı atyndaǵy Qazaq ulttyq pedagogıkalyq ýnıversıtetine Elbasy kitaptaryn syıǵa tartty

Bul kitaptardy tanystyrý rásimin ashqan Abaı atyndaǵy Qazaq ulttyq pedagogıkalyq ýnıversıtetiniń rektory, professor Takır Balyqbaev: «Elbasymyz Nursultan Ábishuly Nazarbaev Otanyna, halqyna qyz­met etýdiń biregeı jolyn qalyp­tastyrǵan kórnekti tulǵa. Elimizdiń qarqyndy damýy, álemge tanylýy Elbasymyzdyń salıqaly saıa­satynyń jemisi. О́z ómi­rinde kóp­ke úlgi bolatyndaı dań­ǵyl jol qa­lyptastyrǵan Memleket bas­shy­synyń ómir joly kim-kim úshin de qyzyqty ári ónegeli. Olaı bolsa, búgin bizdiń ýnıversıtetimizge syıǵa tartylyp otyrǵan dúnıeler biz úshin óte qundy», dedi.

M.Qasymbekov Tuńǵysh Prezı­dentimiz Nursultan Ábishuly Nazarbaevtyń ómiri men qyzmeti el táýelsizdigimen, Qazaqstannyń jańa dáýirdegi tarıhymen tikeleı baılanysty ekenin atap ótti. Elbasynyń «Tańdamaly sózder» dep atalatyn kóptomdyq jınaǵyna onyń jyldar boıǵy saıası qyzmetiniń barysynda jurtshylyq aldynda sóılegen sózderi engizilip otyr. Onda Qazaqstannyń táýelsizdik aldyndaǵy kezeń men táýelsizdiktiń alǵashqy shırek ǵasyry tusyndaǵy el ómirindegi asa mańyzdy máseleler baıandalady. Al «Qazaqstan Respýb­lıkasynyń Tuńǵysh Prezıdenti Nursultan Nazarbaev. Qyzmet hronıkasy» serııasymen shyqqan kitaptarda Mem­leket basshysynyń qatysýymen elimizde jáne shetelderde ótken negizgi is-sharalar kezeń-kezeńimen berilgen jáne N.Á.Nazarbaevtyń eń mańyzdy sózderiniń mátinderi men ol qol qoıǵan zańdar, jarlyqtar jáne basqa da anyqtamalyq materıaldar oryn alǵan.

M.Qasymbekov sonymen birge Elbasynyń «Táýelsizdik dáýiri» kitaby egemendi elimizdiń tarıhı shejiresi, teńdesi joq asyl murasy bolǵanyna erekshe nazar aýdardy. О́ıtkeni bul kitapta táýelsizdiktiń alǵashqy kúninen bergi jerdegi kezeńde memleketimizdiń qalyptasýy, damýy, halyqaralyq qoǵamdastyqtan oıyp turyp oryn alýy – bári-bári naqtyly derektermen baıandalǵan. Sondyqtan bul eńbekterdiń el tarıhyn sıpattaýdaǵy orny erekshe. Stýdent-jastarǵa bul kitaptardyń berer taǵylymy mol. Belgili bilim, ǵylym jáne qoǵam qaı­­ratkeri Shámsha Berkimbaeva já­ne basqalar Elbasy kitaptary men ol týraly eńbekterdiń jastardy otan­shyl­dyqqa, patrıottyqqa, adamger­shilikke tár­bıeleýdegi mańy­zyna toqtaldy.

Abaı atyndaǵy Qazaq ulttyq peda­go­gıkalyq ýnıversıtetiniń rektory T.Balyqbaev osy eńbekterdiń tolyq jınaqtalyp, muqııat toptas­tyrylyp, redaksııalanýyna jáne jaryq kórýine basshylyq etip, ólsheýsiz eńbek sińirgen jáne Elbasy týra­ly ǵajaıyp kitaptar jazǵan saıası ǵylymdar doktory Mah­mud Qasymbekovke jáne ýnıversıtet kitap­hanasyna salıqaly syı jasaǵan Qazaqstan Respýblıkasynyń Tuńǵysh Prezıdenti – Elbasy kitapha­nasynyń ujymyna alǵys aıtty.

Myrzahan AHMETOV,

Abaı atyndaǵy QazUPÝ Qoǵammen baılanys bóliminiń bastyǵy

ALMATY