«Astana – beıbitshilik pen kelisimniń rýhanı ortalyǵy» atty sharaǵa elimizdegi dinı birlestikter jetekshileri men ókilderi, Din isteri komıteti, Ulttyq muraǵat jáne Mádenıetter men dinderdiń halyqaralyq ortalyǵy qyzmetkerleri qatysty.
Komıteti tóraǵasy E.Ońǵarbaev óz sózinde: «Bıyl Astananyń elorda mártebesin alǵanyna 20 jyl tolyp otyr. Bul mereke áleýmettik-saıası mańyzǵa ıe jáne shyn máninde Qazaqstan halqy úshin jalpyhalyqtyq bolyp tabylady. Elbasy N.Nazarbaevtyń júrgizip otyrǵan syrtqy saıasaty men turaqty qamqorlyǵy arqasynda Astana – Qazaqstannyń memlekettiliginiń jáne jas memlekettiń Táýelsizdik shejiresi bóliminiń eń jarqyn basty sımvoly, zamanaýı brendine aınaldy», dep elordanyń jetistikteriniń mańyzdylyǵy týraly baıandady.
«Nur Astana» ortalyq meshitiniń bas ımamy Asqar Muqanov Qazaqstandaǵy beıbitshilik pen kelisimdi qamtamasyz etý tájirıbesi, sondaı-aq bizdiń elimizdiń jáne onyń Prezıdentiniń halyqaralyq bedeli Astanada mádenıetter men álemdik dinder dıalogyn uıymdastyrýǵa múmkindik bergenin aıtty. «Astana – beıbitshilik pen kelisimniń toǵysqan jeri jáne beıbit kelissózder men álemdik dinder dıalogy alańy», dedi ol.
Astana kıeli okrýginiń ókili Dmıtrıı Baıdektiń aıtýynsha, Astana – dinaralyq dıalog mekeni. Bıyl kúzde Álemdik jáne dástúrli dinder jetekshileri Astananyń rýhanı sammıtinde altynshy ret kezdespek. Qazaqstan halqy búkil álemge óziniń birligi, toleranttylyǵy, dinı tózimdiligin kórsetti.
Qazaqstan dinı birlestikteriniń ókilderi Astananyń halyqaralyq dıalog alańy retinde erekshe mańyzǵa ıe bolǵanyn atap ótti.
