Jalpyulttyq lıder Geıdar Alıev Prezıdent Nursultan Nazarbaevtyń elordany Almatydan Astanaǵa kóshirýge baılanysty sheshimin jıyrma jyl buryn joǵary baǵalap, ony tarıhı qadam dep atady. Astana qalasynyń negizi qalanǵan saltanatty rásimge qatysqan uly lıder Geıdar Álıev Qazaqstannyń jańa elordasy Astana qalasynyń irgesi qalanýyn qazaq halqynyń, Qazaqstannyń memlekettik táýelsizdiginiń jáne ulttyq táýelsizdiktiń nátıjesi ekendigin aıtqan bolatyn. G.Álıev «Bul jeńis tarıhta qalady jáne keleshek býyndar tarapynan laıyqty baǵasyn alady» dedi.
Bul shynymen de mańyzdy tarıxı-saıası qadam boldy. Astananyń kóshirilýi basqa qalalardyń jáne oblystardyń da damýyna múmkindik berdi. Qazir Astana qarqyndy ózgerister oryn alǵan megapolıske aınalyp, saıası ortalyq róline ıe. Almaty bolsa mańyzdy qarjy jáne saýda ortalyǵy mártebesin saqtap qaldy. Aqtaý men Atyraýda munaı ónerkásibi, Qaraǵandy men О́skemende aýyr ónerkásip pen metallýrgııa, Shymkent, Semeı tárizdi qalalarda aýyl sharýashylyǵy damýda.
Qazirgi tańda Astana jańa maqsattar belgilep aldy. «Qazaqstan – 2050 Strategııasynda» belgilengen maqsattar osylardyń negizgileri.
Byltyr Astanada ótken «EXPO-2017 – Bolashaq energııasy» taqyrybyndaǵy xalyqaralyq kórme balama energııa kózderiniń damytylýy úshin úlken platforma boldy. Kórme joǵary deńgeıde ótkizilip, memlekettiń jańartylatyn energııa salasyndaǵy josparlary kórsetildi.
Kóp mádenıettilikti óziniń ishki jáne syrtqy saıasatynyń basymdylyqtary arasynda jarııa etken Ázerbaıjan men Qazaqstan bul turǵydan ekijaqty kelisim negizindegi is-sharalaryn úılestirip, xalyqaralyq uıymdarda ortaq kózqarasqa ıe. Qos el beıbitshilikke úndeıtin gýmanıtarlyq jáne ekonomıkalyq forýmdarǵa qoldaý kórsetip, ótkizip keledi. Baký men Astana jahandyq gýmanıtarlyq, ekonomıkalyq forýmdardy ótkizýdi ıgi dástúrge aınaldyrdy.
Búgingi kúni Ázerbaıjan men Qazaqstan arasyndaǵy dostyq negizdi kópjaqty yntymaqtastyqtyń damyp jatqandyǵyn zor qýanyshpen atap ótkim keledi. Memleket basshylarynyń joǵary saıası jigerleri men senimderi negizinde qos el arasynda ekijaqty jáne kópjaqty jaqyn yntymaqtastyq ornady. Baılanystarymyzdyń keń normatıvti quqyqtyq bazasy bar. Úkimetaralyq komıssııanyń isteri saýda-ekonomıkalyq baılanystardyń odan ári keńeıýi úshin mańyzdy mexanızm rólin atqarýda. Eki eldiń iskerleri arasynda baılanystardyń odan ári arttyrylýyna umtylýdamyz. Parlamentaralyq baılanystar men parlament dıplomatııasy dostyǵymyzdyń – damýyna serpin beretin mańyzdy baǵyt.
Tarıhı Jibek joly boıynda mańyzdy orynǵa ıe Ázerbaıjan men Qazaqstan birlestirýshi kúshi bar Kaspıı teńizi arqyly Batys pen Shyǵys arasynda baılanys dálizin ornatatyn jáne osy turǵydan Baký men Astanany bir-birimen jıi baılanystyratyn jobalardy júzege asyrady. Baký men Astana arasynda júzege asyrylǵan tikeleı reıster halyqtarymyz arasynda baılanystardyń nyǵaıýyna qyzmet etip, qazaq týrısteriniń Baký, ázerbaıjandyq týrısterdiń Astananyń ásemdigin kórýine múmkindik beredi.
Qazaqstan men Ázerbaıjan – halyqaralyq kún tártibindegi máselelerdiń talqylanýynda, jahandyq beıbitshilik pen qaýipsizdiktiń qamtamasyz etilýinde belsendi rólge ıe memleketter. Baký men Astananyń belsendi dıplomatııalyq bastamalarynyń nátıjesinde 2012-2013 jyldarǵa Ázerbaıjan, al 2018-2019 jyldarǵa Qazaqstan BUU Qaýipsizdik Keńesiniń turaqty emes múshesi bolyp saılandy. Elderimizdiń BUU Qaýipsizdik Keńesiniń turaqty emes múshesi retinde saılanýy halyqaralyq qaýymdastyq tarapynan Ázerbaıjan men Qazaqstanǵa degen joǵary seniminiń kórsetkishi.
Ortaq qundylyǵymyz – túrki murasynyń damytylýy úshin elderimiz Túrkitildes memleketterdiń yntymaqtastyq keńesi men basqa platformalarda da yntymaqtastyq qurýda.
Jastyq kúsh-qaıraty men danalyq úılesimdiligi bar 20 jastaǵy Astana álemdik arenada óziniń laıyqty ornyn nyǵaıtýdy jalǵastyryp keledi. Barsha Qazaqstandy jáne qazaq halqyn mereıtoımen quttyqtap, Astana qalasynyń árqashan gúldenip, kórkeıe berýine tilektestik bildiremin!
Elmar MAMMEDIаROV,
Ázerbaıjan Respýblıkasynyń
Syrtqy ister mınıstri
