Memorandým Qazaqstanda kásipkerlikti damytýǵa baǵyttalǵan uzaq jáne orta merzimdi jobalardyń júzege asý barysyna qoldaý kórsetýdi kózdeıdi. Taraptar eldegi shaǵyn jáne orta kásipkerlikti damytý úshin ınvestısııa tartý boıynsha halyqaralyq uıymdar men damý ınstıtýttarymen áriptestik ornatýdy kózdep otyr.
«Astana» halyqaralyq qarjy ortalyǵymen birlesip Qazaqstandaǵy kásipkerlikti nasıhattaý men damytýǵabaǵyttalǵan keshendi sharalardy qolǵa almaqpyz. Bul – úlken ınnovasııalyq jobanyń bir bóligi. Onyń kómegimen kásipkerlerge qoldaý kórsetip, olar úshin barlyq jaǵdaıdy jasamaqpyz», – dedi Dáýlet Ábilqaıyrov.
«Damý» Qory men qarjy ortalyǵynyń áriptestigi eldiń jeke sektoryna qarajat tartýǵa múmkindik beredi. Osylaısha, AHQO óńirdegi aldyńǵy qatarly qarjy ortalyǵy retinde Qazaqstandaǵy kásipkerlikti qoldaý sharalaryna óz úlesin qosady», – dedi «Astana» halyqaralyq qarjy ortalyǵy Basqarma tóraǵasy Nurlan Qusaıynov.
Qujat aıasynda Qazaqstan Respýblıkasy shaǵyn jáne orta kásipkerlik ókilderiniń aqparat alý sapasyn arttyrýǵa arnalǵan birlesken ınnovasııalyq jobalar jasalyp, qarjy, ınvestısııa jáne áleýmettik ǵylymdar salasyndaǵy mamandardy kásibı túrde oqytýǵa baǵyttalǵan birlesken bilim berý baǵdarlamalary daıyndalady.
Daıyndaǵan Aınash ESALI,
«Egemen Qazaqstan»
ALMATY
