Túrkııanyń Syrtqy ister mınıstri: Beıbit kelissózder alańy

Qadirmendi Nursultan Nazar­baev­tyń aıqyn uıǵarymy shamamen júz jyl buryn Túrkııa Respýblıkasynyń ákimshilik ornyn Ankaraǵa kóshirgen Uly kóshbasshymyz Gazı Mustafa Kemal Atatúriktiń boljaǵyshtyq qasıetin eske salady. Astana – el ordasy bolyp jarııalanǵan kúnnen baýyrlas shahar Ankara syndy jedel damyp, Qazaqstannyń sımvolyna aınaldy, Prezıdent Nursultan Nazarbaevtyń danalyǵymen modernızasııalanǵan eldiń álemdik arenadaǵy bet-beınesin tanytty. 

Qazaq tilinde «bas qala» degen uǵymdy bildiretin «Astana» ataýy men Osman ımperııasynyń ortalyǵy bolǵan Ystanbulǵa túrik tilinde qoldanylǵan «Asıtane» sóziniń arasynda uqsastyq baıqalady, sonymen qatar túrik tili men qazaq tili arasyndaǵy jaqyndyqty kórsetedi. 

Astana qurylysyna qoldan kelgen­she qoldaý kórsetip, baýyrlas el­diń erkin damý kezeńine ortaqtasa al­­ǵa­ny­myzdy ózimizge mártebe sanaı­myz. 
Qalanyń ınfraqurylymynan bastap, ákimshilik keńseler, qonaq­úıler, Beıbitshilik jáne kelisim saraıy, «Áziret Sultan» meshiti, «Na­zarbaev Ýnıversıteti» qalashyǵy, «Qazmedıa» ortalyǵy syndy negizgi nysandardyń salynýyna túrik qurylys kompanııalary men arhıtektorlary, ınjenerleri men qarapaıym jumysshylary ter tókti. Búgingi tańda bas shaharda paıdalanýǵa berilgen ǵımarattar Qazaqstannyń túrik kompanııalaryna degen senimi men eki el birlesip atqarǵan ózara is-qımylynyń nátıjesinde týǵan sınergııanyń jetistikterin dáleldep otyr.
Qurylyspen qatar, taǵam jáne sýsyn ónimine deıingi túrli salany qamtyp otyrǵan kásipkerlerimiz Astanada ǵana emes, Qazaqstannyń basqa óńirlerinde de qurǵan óndiristik oryndary, ortaq kásipteri arqyly el damýyna jáne ekonomıkanyń ártaraptandyrylýyna tehnologııa men ınnovasııaǵa negizdelgen ınves­tısııalary men qyzmetteri arqyly etene aralasty.

Táýelsiz Qazaqstannyń ǵalamdyq saıası kelissóz alańyna aınalyp, beıbitshilikti qoldaý mıssııasy, túıtkildi túıindi tarqatý joldary qazaq dıplomatııasynyń dárejesin ósirdi. Astana ózin jahandyq jáne aımaqtyq máseleler kóteriletin biryńǵaı platforma retinde kórsete bildi. 
О́tken naýryz aıynda Sırııa máselesi jónindegi Astana prosesine kepil úsh memlekettiń Syrtqy ister mınıstriniń biri retinde qatysqan kezdesýim qolaıly ahýal qalyptastyrýǵa kúsh saldy. Astana alańy formatynda júrgizilgen kelisimge oraı bir jarym jyldan beri qaqtyǵysty toqtatyp, oq atpaý jónindegi birqatar ýaǵdalastyq oryndalyp keledi.

Astana Sırııadaǵy soǵysty sheshýge atsalysýmen qatar, byltyr qyrkúıek aıynda joǵary laýazymdy Prezıdentimizben birge meniń de qatysqan Islam Yntymaqtastyǵy Uıymy Bilim jáne tehnologııalar jónindegi sammıtiniń, Ortalyq Azııa elderi kóshbasshylary qatysqan konsýltatıvtik jumys kezdesýiniń oıdaǵydaı ótýine muryndyq boldy.

О́tken jyly «Bolashaq energııasy» taqyrybymen uıymdastyrylǵan «Astana «EKSPO-2017» maman­dandy­ryl­ǵan kórmesine de álem qulaq túrip, kóz tikti. Kórmeniń kórkin ashqan «Nur Álem» shary, joba uıym­das­tyrylǵan aýdannyń basym bóligin alyp jatqan Ortalyq Azııanyń eń iri saýda ortalyǵy sanalatyn «Mega Silk Way» túrik kompanııalary tarapynan salyndy. Ulttyq pavılonymyz kelgen qonaqtardyń kóńilinen shyǵyp, Túrkııa Ekonomıka mınıstrine «Energetıka salasyna qosqan úlesi úshin» syılyǵynyń berilýi jaǵymdy áser qaldyrdy. 

Qazaq baýyrlarymyzdy Asta­na­nyń el ordasy atanýynyń 20 jyl­dyq merekesimen quttyqtaımyn. Alyp qalanyń aqsaqaly – Prezıdent Nur­sultan Nazarbaev táýelsiz, zaman­aýı jáne damyǵan Qazaqstannyń jar­qyn bolashaǵynyń máńgi-baqı kósh­basshysy bolyp qalaryna senemin. 

Mevlıýt ChAVÝShOǴLÝ,
Túrkııa Respýblıkasynyń 
Syrtqy ister mınıstri