Astana – tutas Alashtyń astanasy bolsa, Batys Qazaqstan oblysy – Reseı Federasııasynyń bes oblysymen shektesetin elimizdiń batys qaqpasy. Astanamen birge bizdiń oblys ta jyl sanap, qaryshty damyp, sheteldermen taýar aınalymy turaqty, óndiristi óńirge aınaldy. Bıyl aımaqqa arnaıy jumys saparymen kelgen Elbasy N.Nazarbaev shekaraǵa jaqyn jatqan oblystyń kásibin damytýǵa óte qolaıly klımat barlyǵyn basa aıtqan bolatyn. Sondaı-aq ekologııalyq jaǵynan «eldegi eń taza qala» degen baǵasyn da berip ketti. Bul degenińiz – Astanamen birge jyl saıyn jańaryp, damý baǵytynda ilgeri jyljyp kele jatqan aımaqtyń abyroıy artqanynyń belgisi.
Elbasy sapary barysynda Jánibek pen Bókeı ordasy aýdandaryna baratyn tas jol qurylysyn jedeldetý týraly úkimetke tapsyrma berip, ol jumys jańa qarqynmen júrgizilip jatyr. Buǵan deıin shalǵaıdaǵy aýdandy oblys ortalyǵymen jalǵaıtyn kúre joldyń jaǵdaıy Jaıyq jurtyn qatty alańdatqan másele bolatyn. Bul da Elbasynyń tikeleı aralasýymen júzege asyp jatqan iri jobanyń birine aınaldy.
Batys Qazaqstan oblysy Astananyń 20 jyldyq mereıtoıyna Keńes Odaǵynyń Batyry Mánshúk Mámetovanyń eskertkishin syıǵa tartty. Qandy qyrǵynda eli úshin janyn qıǵan qazaqtyń batyr qyzynyń eńseli eskertkishi elordanyń Jeńis dańǵyly boıynda ornatyldy. Bul – bizdiń Astanamyzǵa degen ortaq syıymyz! Bizdiń ortaq abyroıymyz!
Astana – armany asqaq, asýy bıik jandar salǵan qala. Eliniń bir kúndigin emes, jurtynyń 100 jyldyq birligin oılap, Elbasynyń salǵan qalasy. Eýrazııa kindigine ornalasqan alty Alashtyń bas qosqan qasıetti jeri, álemdik mańyzy bar máseleler talqylanatyn ashyq alań, beıbitshilik pen kelisimniń ordasy. Barlyq Batys Qazaqstan oblysynyń halqy ajarly Astanany 20 jyldyq mereıtoıymen shyn júrekten quttyqtap, eńseli elordanyń odan ári damyp, jetilýine bir el bolyp kúsh salatynyn jetkizemiz!
Týǵan kúnińmen, Astana!
Hamza Abdrahmanuly SAFIN,
UOS ardageri,
Aqushtap Baqtygereıqyzy BAQTYGEREEVA,
Qazaqstan Jazýshylar odaǵy oblystyq fılıalynyń tóraıymy, aqyn, halyqaralyq Alash syılyǵynyń laýreaty,
Aqserik Saryuly ÁITIMOV,
Qazaqstan aqparattyq tehnologııalar jáne basqarý ınstıtýtynyń ǵylymı-aǵartýshylyq kesheniniń prezıdenti,
Abat Qadymuly ESENǴALIEV ,
eńbek ardageri,
Jaısań Dosbolaıuly AQBAI,
ólketanýshy, eńbek ardageri,
Rahmetolla Hamıtuly SÚIIRBAEV,
eńbek ardageri
