Jeke qaýipsizdikti qamtamasyz etý jáne tártipsizdikke jol bermeý maqsatynda joǵaryda atalǵan sanatqa jatatyn azamattar gala-konsert ótetin aýmaqqa kirgizilmeıtin bolady. Sondaı-aq, kólikterdiń kóptep jınalýyn, keptelisterdi boldyrmaý úshin Astana qalasynyń IID azamattarǵa qoǵamdyq kólikte júrýge keńes beredi. Gala-konsert kórermenderin elorda ákimdiginiń uıymdastyrýymen arnaıy avtobýstar belgilengen orynǵa jetkizetin bolady.
Qoǵamdyq kólikter myna nysandarǵa aıaldaıdy
: 1)«Jastar» saraıy (Respýblıka dańǵylynan)
2)«Qazaqstan» sport saraıy (Qajymuqan kóshesinen)
3)Elorda sırkiniń Qorǵaljyn tas joly kóshesindegi turaǵy
4) Dostyq kóshesindegi «Nur Astana» meshitiniń turaǵy
Jol aqysy - 90 teńge, jol júrý bıletteri - jaramsyz.
Sonymen qatar, «Qazaq Eli» monýmenti alańynyń aýdanyna qyzmet kórsetetin qalalyq on baǵdardyń jumysy túngi saǵat 2-ge deıin uzartylatyn bolady. Budan bólek, elorda turǵyndary men qonaqtaryna saǵat 18:00-den gala-konserttiń sońyna deıin M-1 kópirinen Amanjolov kóshesiniń aralyǵyndaǵy Baıtursynov kóshesinde, Baıtursynov pen Nájimedenov kósheleriniń aralyǵynda jatqan Amanjolov kóshesinde, M-3 kópirinen Amanjolov kóshesine deıingi aralyqta jatqan Nájimedenov kóshesinde, Qoshqarbaev pen Nájimedenov kósheleriniń aralyǵyndaǵy Táýelsizdik dańǵylynda (qoǵamdyq kólikterden basqa) kólik quraldarynyń qozǵalysyna shekteý qoıylady. Atalǵan aýdanǵa saparlaýdy josparlaıtyn azamattarǵa óz qozǵalys baǵyttaryn aldyn ala josparlaýdy suraımyz.
Kólikti qoıýǵa usynylatyn oryndar:
- Oqýshylar saraıynyń B. Momyshuly dańǵylyndaǵy turaǵy
- «Astana Music Hall» meıramhanasynyń B. Momyshuly dańǵylyndaǵy turaǵy
- «Nur Astana» meshitiniń Dostyq kóshesindegi turaǵy
- «Jetisý» saıabaǵynyń Saraıshyq kóshesindegi turaǵy Gala-konsert aıaqtalǵan soń, Astananyń trıatlon saıabaǵy, Esil ózeni jaǵalaýy, Nurjol jelek joly aýmaǵynan merekelik ot shashýdy tamashalaýǵa bolady.
