Sýretti túsirgen Valerıı Býgaev
Qaladaǵy Qurylysshylar kóshesi, 42 meken-jaıy boıynsha ornalasqan 5 qabatty úıde 70 páter bar. Páter kiltteri kásiporynnyń jas mamandary men joǵary bilikti jumysshylarǵa berildi. Energetıkterdi páter alýlarymen oblys ákimi Bolat Baqaýov quttyqtady.
Jańa úıdegi páterdiń bir sharshy metri EEK jumysshylary úshin 115 myń teńge. Eýrazııalyq Toptyń «Turǵyn úı baǵdarlamasy» men «Qazaqstan ıpotekalyq kompanııasymen» birge páterler 20 jyl merzimge tómen paıyzdyq mólsherlememen satyp alý quqyǵymen jalǵa beriledi.
–Bizdiń kásiporyn Elbasynyń «Nurly Jol» strategııalyq baǵdarlamasynyń sheńberindegi «О́ńirlerdi damytýdyń 2020 jylǵa deıingi baǵdarlamasy» memlekettik jobasyn belsendi qoldap keledi. Bul úıi bar adam erteńgi kúnge, óz balalarynyń baqytty bolashaǵyna degen senimdi degen sóz. Bizdiń jastardy óndiriste eńbek etýge yntalandyrady jáne eńbek ónimdiligin arttyrady,–deıdi «EEK» AQ adam resýrstaryn basqarý jáne áleýmettik máseleler jónindegi vıse-prezıdenti Tatıana Nosacheva.
Aqsýdaǵy «Eýroazıattyq energetıkalyq korporasııasy» AQ (EEK) Eýrazııalyq Top (ERG) quramyndaǵy – elimizdegi elektr qýatynyń 17 paıyzyn, kómirdiń 20 paıyzynn óndiredi. Korporasııa Aqsý elektr stansasy, Ekibastuzdaǵy «Shyǵys» kómir kenishi men energetıkalyq jáne ken jabdyǵyn jóndeýmen aınalysatyn óndiristik jóndeý bólimshesin biriktiredi. Kásiporyn 2001 jyldan beri elektr stansasyndaǵy energobloktardy jańǵyrtý jumystaryn júrgizýde.
Farıda Byqaı,
«Egemen Qazaqstan»
PAVLODAR
