Tikushaq qurastyrýmen aınalysatyn Astanadaǵy eń iri kásiporynnyń jumys barysymen tanysqan depýtat P.Kazansev bul zaýyttyń elimizge jańa múmkindikterin ashý baǵytynda ózge elderdiń naryǵyna jol tabýda ilgeri damyp kele jatqan kásiporyndardyń biri ekenin aıta kelip, qazirgi tańda bul tikushaqtarǵa degen suranys Qyrǵyz elinde kóp ekenine toqtaldy. Osy rette depýtat keler jyly Mádenıet jáne sport mınıstrligimen birlese otyryp ınnovasııalyq áleýetti jáne týrıstik salany damytýǵa baǵyttalǵan zań qabyldaý qajettiligine de nazar aýdardy.
Sonymen qatar zaýyt sheńberinde Ortalyq Azııa men elimizdiń aımaqtaryna qajetti mamandardy daıarlaıtyn avıasııalyq bilim berý ortalyǵy jumys isteıdi. Bul jer V1 tehnıkalyq dáris pen ES145 tikushaǵyn basqaratyn pılottardy daıarlaıtyn álem boıynsha jalǵyz ortalyq bolyp sanalady. Qazirgi tańda 8 adam bilim alýda.
Zaýyt aıasynda servıs ortalyǵy da ornalasqan. Bul jerde kásibı maman ıeleri tikushaqtardyń ushýǵa daıyndyq barystaryna tekserister men jóndeý jumystaryn júrgizedi.
О́z kezeginde «Evrokopter Qazaqstan ınjınırıng» JShS kommersııalyq dırektory Tımýr Tılının ortalyqta tek ushqyshtardy ǵana emes, mamandyqqa qajetti tehnıka qyzmetkerleri men avıonıkterdi oqytatynyn aıtyp, zaýyt qyzmetkerleriniń óz isteriniń sheberleri ekenin jáne jumystaryn jyldam jáne kásibı deńgeıde atqaryp, eń joǵarǵy sapadaǵy qyzmet kórsetýmen aınalysatynyn jetkizdi.
