«Ertis ózeniniń jaǵasynda 22 jaǵajaı resmı túrde ashyldy. Biraq, adamdar oblys ortalyǵyndaǵy О́zen portynyń sý aıdyny, Ýsolka ózeni jaǵalaýy, avtojol kópiri aýmaǵy, «Altyn-Qum» demalys aımaǵy, Aqsý GRES-niń sý tógý arnasy, munaı bazasynyń jaǵalaýy, Ekibastuz GRES-2 jasandy sý qoımasy, Q.Sátbaev atyndaǵy arnanyń sý qoımasy sııaqty sýǵa shomylý úshin asa qaýipti oryndarǵa baryp sýǵa túsedi», - deıdi qutqarýshylar.
Jaz maýsymynyń basynan beri qutqarý bólimsheleri men súńgýir apattyq-qutqarý jasaǵy sýdaǵy bolyp qalar tótenshe jaǵdaılardy joıý úshin kúsheıtilgen rejımde jumys isteýge kóshken. Senbi jáne jeksenbi kúnderi Jasybaı jáne Sabyndykól kólderinde demalys aımaqtaryna demalýshylardyń sany 10 myń adamǵa jetedi. О́tken aptada qutqarý jıletinsiz katamaranda serýendeýshiler Jasybaı kóline batyp ketken. Der kezinde qutqarylypty.
«Bul bir sáttik qana sát. Sýǵa túsken kezde de, jalpy demalýǵa shyqqan kezde barlyq jaǵdaıda saqtyq qajet. Biz turǵyndarǵa osyny talaı ret eskerttik, olardyń ómirlerin saqtap qalý úshin eskertýden jalyqpaımyz: О́ıkeni, bul bizdiń mindetimiz»,- deıdi bas qutqarýshy Erqanat Aqqozınov.
Qazir Ertis ózenindegi sýdyń deńgeıi joǵary. Sondyqtan sýǵa shomylý kezinde saq bolý qajet. Jaǵajaılarǵa jaqyn jáne sýǵa shomylý úshin asa qaýipti jerlerde 100-den astam eskertý jáne tyıym salý belgisi ornatylǵan.
Farıda Byqaı
«Egemen Qazaqstan»
PAVLODAR
