Jas kóshbasshylar forýmy

Pogodın atyndaǵy orys drama teat­rynda «Qazaqstan jas kóshbas­shy­lar­­ǵa úmit artady» jastar forýmy ótti. Sal­tanatty shara aldynda jı­yn­ǵa qa­tysýshylar Táýelsizdik qurdasta­ry­nyń shyǵarmashylyq kórmesin ta­ma­sha­lady. «Elge tile!» atty fleshmob uı­ym­­­dastyryldy. Munda Qyzyljar óńiri jurtshylyǵynyń el Táýel­siz­diginiń 20 jyldyq mereıtoıyna ar­nalǵan ıgi tilek-lebizderi toptastyry­lyp, kóshe­lerde ornatylǵan kógildir ekrandar arqyly kún saıyn beriletin bolady. Jıynda oblys ákiminiń orynba­sa­ry Farhad Qýanǵanov aımaq basshysy Serik Bilálovtiń quttyqtaýyn oqyp berdi. Birinshi bolyp oblystyq ardagerler keńesiniń tóraǵasy Eskendir Eleýsizov sóıledi. Ol azattyq degen qasıetti de kıeli uǵymnyń bastaýynda 1986 jylǵy Jeltoqsan kóterilisiniń jas bozdaqtary turǵanyn, olardyń ómirlik ustanymy, erlik isteri keıingi tolqynǵa úlgi ekenin jetkizdi. Ýálı­­hanov aýdany “Qyzyl tý” jastar uıy­mynyń múshesi Iаna Golýbsova jastar­dyń qoǵamdyq ómirdegi róline toqtal­sa, M. Qozybaev atyndaǵy Soltústik Qazaqstan memlekettik ýnıversıteti kásipodaq uıymynyń tóraıymy Zarına Aqambaeva úkimettik emes uıymdar men bılik arasyndaǵy syndarly baı­lanysty jetildirý joldaryn sóz etti. Budan keıin 12 atalym boıynsha iriktelip alynǵan laýreattardy marapattaý bastaldy. Jeńimpazdar ara­syn­da SQMÝ energetıka jáne mashına jasaý fakýltetiniń dekany, tehnıka ǵylymdarynyń kandıdaty Nábı Nábıev, jastar máslıhatynyń vıse-spıkeri Vladımır Vıtchenko, muǵalim Danııar Ýálıev, sportshy Irına Sorokına, «Zaǵıptar» qoǵamynyń tóraıy­my Janel Súgirbaeva, mehanızator Evgenıı Pak, taǵy basqalar bar. Bulardyń esimderi oblystyń «Al­tyn kitabyna» jazylatyn bolady. О́mir ESQALI, Soltústik Qazaqstan oblysy.