Ataqty kúıdiń tarıhyn bilý, ony máńgi este saqtaý maqsatynda osydan jeti jyl buryn Shý qalasyndaǵy kúre joldyń boıyna «Erke sylqym» eskertkishi ornatylǵan bolatyn. Kúı keıipkeri – qazaq arýynyń beınesi somdalǵan eskertkish kúı ónerine turǵyzylǵan ǵajaıyp belgi. Kezinde bul bastamaǵa qoldaý bildirgen Parlament Májilisiniń depýtaty Qojahan Jabaǵıev eken. Jambyl óńirinde qazaq ónerine turǵyzylǵan eskertkish áli kúnge deıin kóptiń qyzyǵýshylyǵyn týyndatyp, halyqtyń bas qosatyn rýhanı ortalyǵyna aınalǵan.
Jalpy, halyqtyń birtýar tulǵalaryna turǵyzylǵan eskertkishterden bólek, ulttyń ádebıeti men mádenıetine arnalǵan eskertkishter elimizde sanaýly. Máselen, klassık jazýshy Ábdijámil Nurpeıisovtiń «Qan men ter» romanynyń keıipkerlerine arnalǵan eskertkish elimizdegi sáýletti nysannyń birinen sanalady.
Hamıt ESAMAN,
«Egemen Qazaqstan»
Jambyl oblysy
