Áskerı qyzmetshiler, ásirese Qazaqstan tarıhyn, batyrlardyń erlikteri jaıly shyǵarmalardy, jalpy kórkem ádebıetti oqýǵa yntaly. «Batys» óńirlik áskerı qolbasshylyǵy Memleket basshysynyń «Bolashaqqa baǵdar: rýhanı jańǵyrý» baǵdarlamalyq maqalasy shyqqan alǵashqy kúnnen bastap osy baǵyttaǵy jumystarǵa erekshe mán berip keledi.
25744 áskerı bólimi komandıriniń orynbasary Eldos Bozǵulov: «Qyzmettiń alǵashqy kezeńinde sarbazdarǵa naǵyz Otan qorǵaýshy retinde qalyptasýlaryna baǵyt beretin kitaptardy usynamyz. Mysaly, Nursultan Nazarbaevtyń «Qazaqstan joly», Ilııas Esenberlınniń «Kóshpendiler», Saǵadat Nurmaǵambetovtiń kitaptaryn sarbazdar qoldan-qolǵa tıgizbeı oqıdy. Negizinen qazaq tilindegi ádebıetke degen suranys joǵary, sondyqtan kitaphana qoryn únemi tolyqtyryp otyramyz», – deıdi.
Baqytgúl BABASh,
«Egemen Qazaqstan»
ATYRAÝ
