Túrkııa Prezıdentiniń laýazymyna Rejep Taııp Erdoǵannyń kirisý rásimine 22 memlekettiń basshylary, 28 premer-mınıstr men parlament spıkerleri, sondaı-aq halyqaralyq uıymdardyń 6 hatshysy qatysty.
Esterińizge sala keteıik, 24 maýsymda Túrkııada prezıdenttik jáne parlamenttik saılaý ótti. Eldiń qazirgi memleket basshysy Rejep Taııp Erdoǵan prezıdenttik saılaýda 100% bıýlletenderdi sanaý qorytyndysy boıynsha eń kóp daýys jınady — 26,3 mln-nan astam daýys 52,59%. Parlamenttik saılaýda Erdoǵan basqaratyn Ádildik jáne damý partııasy eń kóp daýys jınady. Jalpyulttyq daýys berý eldegi memlekettik basqarý formasyn ózgertti, Túrkııa parlamenttikten prezıdenttik respýblıkaǵa aınaldy.
2017 j. Qazaqstan men Túrkııa arasyndaǵy taýar aınalymy ótken jylmen salystyrǵanda 28% ósip, $1,876 mlrd qurady, al eksport — $1,146 mlrd teń boldy. Osy jyldyń qańtar-naýryz aralyǵynda taýar aınalymy $412,9 mln qurady.
