Osymen 23-márte uıymdastyrylyp otyrǵan dástúrli týrnırde bási bıikten kóringen boksshylarymyz 9 medal enshilep, komandalyq esepte kósh bastady. Atap aıtar bolsaq, Mahmýd Sabyrhan (49 kılo), Beıbarys Jeksen (56 kılo), Rahat Seıitjan (60 kılo), Talǵat Shaıken (64 kılo), Saǵyndyq Toǵambaı (81 kılo), Aıbek Oralbaı (91 kılo), Damır Toıbaı (+91 kılo) qarsylas shaq keltirmeı altyn tuǵyrdan kórinse, Ermahan Jakpekov (69 kılo) kúmis medalǵa, al Nurbek Oralbaı (75 kılo) qola medalǵa qol jetkizdi.
Taǵy da bir qýanyshty jaıt, óz salmaǵynda atoı salǵan Aıbek Oralbaı (91 kılo) jarystyń eń úzdik boksshysy atandy. Jarys jolynda chehııalyq Danıel Nıkýstak, avstrııalyq Ahmet Hagak jáne reseılik Danıl Dýbrovskııdy bas kótertpeı utqan Aıbekti tóreshiler biraýyzdan týrnırdiń úzdik boksshysy dep tanydy.
Komandalyq esepte ekinshi jáne úshinshi oryndardy Reseı jáne Anglııa quramalary ıelendi. Nemis jerinde Reseı ánurany 2 márte shyrqalsa, aǵylshyndar 1 altyn medalǵa ıelik etti.
Arman OKTIаBR,
«Egemen Qazaqstan»
