Kezdesýge sondaı-aq Qazaqstan Respýblıkasy Qorǵanys jáne agroǵarysh ónerkásibi mınıstri Beıbit Atamqulov pen Qyzylorda oblysynyń ákimi Qyrymbek Kósherbaev qatysty. Kezdesý barysynda taraptar «Báıterek» ǵaryshtyq zymyran keshenin qurý, birlesken ınvestısııalyq jobalardy júzege asyrý jáne Baıqońyr qalasyn ári qaraı damytý máselelerin talqylady.
Taraptar jańa býyndaǵy ushatyn kólik korablderin ǵarysh kógine attandyratyn «Báıterek» jobasyn júzege asyrýdy jedeldetýge ýaǵdalasty. Osy maqsatta Qazaqstan Respýblıkasy Qorǵanys jáne aeroǵarysh ónerkásibi mınıstrliginiń aeroǵarysh komıteti, «Roskosmos» pen «S7 Ǵaryshtyq kólik júıesi» kompanııasy ókilderiniń qatysýymen memleket-jekeshelik áriptestigi aıasyndaǵy yntymaqtastyqty júzege asyrý úshin jumys toby qurylady.
A.Mamın kásipkerlikti damytý úshin jaǵdaılar jasaý, Baıqońyr qalasyna ınvestısııalar tartý, jańa jumys oryndaryn qurý yntymaqtastyqtyń basym baǵyttary bolyp tabylatynyn atap ótti.
Qyzylorda oblysynyń ákimi Q.Kósherbaev Baıqońyr qalasynda ınjenerlik ınfraqurylymdar nysandaryn jańǵyrtý jáne qaıta qurý boıynsha atqarylyp jatqan jumystar týraly aqparat berdi. Investısııalar tartyp, bıznes úshin ońtaıly jaǵdaılar jasaý maqsatynda «Baıqońyr» kesheni aýmaǵynda arnaıy ekonomıkalyq aımaq qurý múmkindigin qarastyrý usynyldy. Oblys ákimi ǵarysh týrızmin damytý maqsatynda oblysta «Baıqońyr» oıyn-saýyq-týrıstik aımaq qurý tujyrymdamasy jasalǵanyn aıtyp ótti.
Birqatar kókeıkesti máseleler boıynsha alda ótetin «Baıqońyr» kesheni boıynsha 6-shy Qazaqstan-Reseı úkimetaralyq komıssııasynyń májilisinde qarastyrý úshin usynystar daıyndaldy.
