Is-shara aıasynda mınıstrlik osy kelisim boıynsha tómen kómirtekti qalalyq jobalardy iske asyrýǵa kirisken kásipkerlerge «jasyl» sertıfıkattar tapsyrdy.
Baspasóz májilisine «Damý» kásipkerlikti damytý qory» AQ basqarma tóraǵasynyń orynbasary Dáýlet Ábilqaıyrov, QR IDM Indýstrıaldy damý jáne ónerkásiptik qaýipsizdik komıteti tóraǵasynyń orynbasary Nyǵmedjan Maqajanov, Qazaqstandaǵy Birikken Ulttar Uıymynyń Damý baǵdarlamasynyń úılestirýshisi Vıktorııa Baıǵazına, QR IDM Indýstrıaldy damý jáne ónerkásiptik qaýipsizdik komıtetiniń ókilderi men BUUDB sarapshylary jáne menedjerleri qatysty.
«Tómen kómirtekti damýǵa arnalǵan turaqty qalalar» sııaqty ózekti jobalardy júzege asyrý − úlken jáne shaǵyn qalalardaǵy turaqtylyqty saqtap, energotıimdi qala ınfraqurylymyna ınvestısııa tartyp qana qoımaı, Qazaqstannyń IJО́-niń energııa syıymdylyǵyn tómendetý boıynsha mindetterdi oryndap, «jasyl» ekonomıkaǵa ótýine de yqpal etedi», − dedi tóraǵa orynbasary N. Maqajanov.
2018 jyldyń birinshi toqsany sońynda Astana jáne Soltústik Qazaqstan oblystarynyń ǵımarattarynda energııa tutynýdy azaıtýǵa baǵyttalǵan alǵashqy alty joba maquldandy.
Jobalardyń biri – «Transport Tower» ákimshilik-tehnologııalyq kesheni ǵımaratynyń jaryqtandyrý júıesin jańǵyrtý jáne paıdalaný» memleket-jekemenshik seriktestik jobasy. Onyń aıasynda mınıstrlik ǵımaratynyń jaryqtandyrýyn jańǵyrtý josparlanǵan.
Suńǵat ÁLIPBAI,
«Egemen Qazaqstan»
