«О́ńirlerdiń Astanaǵa tartýy» jobasy aıasynda Túrkistan oblysy da elordaǵa erekshe syı jasady. Uzaq qashyqtyqty qamtıtyn jáne tolyq jabdyqtalǵan velosıped jolaǵy adamdarǵa arnalǵan qaladaǵy zamanaýı ortanyń mańyzdy quramdas bóligi sanalady. Bul velosıped jolaǵy salamatty ómir saltyn nasıhattap, elordada jappaı sportpen shuǵyldaný úrdisin damytýǵa septigin tıgizetin bolady. Astanany kórkeıtýge zor úles qosqan Sizge jáne óńir turǵyndaryna shynaıy rızashylyǵymdy bildiremin», - delingen alǵys hatta.
Aıta keteıik, Astananyń 20 jyldyǵyna oraı birqatar oblystardyń atsalysýymen elordada jańadan 56 shaqyrym velojol salynǵan bolatyn. «О́ńirlerdiń Astanaǵa tartýy» jobasy aıasynda Esil ózeniniń jaǵalaýynan D.Qonaev kóshesindegi kópirge deıingi aralyqta júrgizilgen velosıped joly Túrkistan oblysynyń atsalysýymen júzege asqan bolatyn. Bul jol Esil ózeniniń boıy men sol jaǵalaýy jáne EKSPO kesheniniń nysandary arqyly ótedi. Ol qalalyq saıabaqtaǵy shańǵy jáne rolıkke arnalǵan jol men Ilınka kentinen «jasyl beldeý» arqyly ótetin velosıped jolaqtaryn baılanystyrady. Velotrekter arnaıy ústeldermen, turaqtarmen, wi-fi jáne telefondy qýattaý múmkindigi qarastyrylǵan «aqyldy ınfraqurylymmen» jabdyqtalǵan.
