Úkimet • 12 Shilde, 2018

Investısııalyq yntymaqtastyq nyǵaıa túsedi

186 ret kórsetildi

Úkimet basshysy Baqytjan Saǵyntaev elimizge jumys saparymen kelgen Shveısarııanyń federaldyq keńesshisi jáne ekonomıka, bilim berý jáne zertteýler federaldy departamentiniń basshysy Iohann Shnaıder-Ammanmen kezdesip, Qazaqstan men Shveısarııanyń ınvestısııalyq yntymaqtastyǵynyń keleshegin talqylady. 

Ekeýara kezdesýde B.Saǵyn­taev elimizdiń energetıka, kólik, sha­ǵyn jáne orta bıznes sala­lar­yndaǵy tyǵyz ári ózara tıim­di yntymaqtastyqqa, sondaı-aq jańa tehnologııalar men noý-haý transfertin retteýge qyzyǵý­shy­lyq tanytatynyn atap ótti. Bú­gingi tańda Qazaqstanda shveı­sa­rııa­lyq kompanııalardyń qaty­sýymen mashına jasaý, qurylys, agroónerkásip jáne taý-ken metallýrgııa keshenderi salalaryndaǵy jobalar sátti iske asyrylýda.

Sonymen qatar Premer-Mı­nıstr elimizde she­tel­dik ınvestor­lar úshin eleýli salyqtyq jáne kedendik jeńil­dik­ter men qolaıly ınvestısııalyq ahýal jasalǵanyn aıtty.

Atap óterligi, 2017 jyldyń ba­synan beri elimizde Shveısarııa azamattary úshin 30 kúndik vızasyz rejim engizildi. Qabyldanǵan sharalar aldaǵy jyldary Qazaq­stan ekonomıkasyna ınvestısııa­lar salyp, tehnologııalar trans­fertin júzege asyrýshy Shveı­sarııa kásiporyndary qataryn ulǵaıtýǵa jol ashady.

Al Qazaqstan men Shveı­sa­rııa­nyń iskerlik keńesiniń aıasynda buqaralyq aqparat quraldary ókilderine suhbat bergen Iohann Shnaıder-Amman Qazaqstannyń strategııalyq áriptes retinde Shveı­sarııada joǵary baǵalana­tyndyǵyn atap ótti. Sondaı-aq dostyq pen senimge negizdelgen qarym-qatynastar aıasynda eki eldiń bıznes ókilderiniń ózara tıimdi kelisimderge qol jetkizý yqtımaldyǵyna toqtalyp ótti.

– Shveısarııalyq bıznes ókilderiniń Qazaqstanǵa qyzyǵý­shy­lyǵy joǵary. Men Qazaqstanǵa osy­dan bes jyl buryn alǵash ret kel­genimde adamdardyń sanasy oń óz­geristerge beıim ekendigine, bo­lashaqqa zor umtylystaryna kóz jetkizgen bolsam, bul jolǵy saparymda elde kásipkerlik rýhynyń qalyptasyp, kemeldengendigine kýá bolyp otyrmyn. Keshe Aqtaý portyna barǵanda el damýynyń shynaıy bet-beınesin kórgendeı boldym. Mine, Qazaqstannyń osy jetistikteri Shveısarııa bız­nesiniń kelýine jol ashady, – dedi Iohann Shnaıder-Amman.

Jalpy, ótken jyldyń qory­tyn­dysy boıynsha Qazaqstan men Shveısarııa arasyndaǵy taýar aınalymy 3,2 mlrd AQSh dollaryn qurady, bul kórsetkish 2016 jylǵa qaraǵanda 21 prosentke artyq. Al 2018 jyldyń qańtar-mamyr aılarynda taýar aınalymy 1,14 mlrd dollardy quraǵan.

Oǵan qosa 2005–2017 jyldary Shveısarııadan Qazaqstanǵa tikeleı ınvestısııalardyń jalpy aǵyny 20,6 mlrd AQSh dollaryna jetken. 1 mamyrdaǵy jaǵdaı boıynsha elimizde shveı­sarııa­lyqtardyń qatysýmen 436 zańdy tulǵa, bólimsheler men ókildikter tirkelgen.

Iohann Shnaıder-Amman 2016 jyly Shveısarııa prezıdenti laýazymyn atqarǵan tulǵa. Sondaı-aq ár jyldary Shveısarııanyń mashına jasaý, energetıka jáne basqa da mańyzdy salalaryndaǵy azýly kompanııalardy basqarǵan.

Serik ÁBDIBEK,

«Egemen Qazaqstan»

Sońǵy jańalyqtar

Muraǵattar muń shaǵady

Ádebıet • Keshe

Búgin – Eńbek kúni

Qazaqstan • Keshe

Petropavlda jedel járdem kóligi aýdarylyp qaldy

Aımaqtar • 26 Qyrkúıek, 2020

Aqtaýda geologtar alleıasy ashyldy

Aımaqtar • 26 Qyrkúıek, 2020

Oralda Juban Moldaǵalıevke eskertkish ashyldy

Rýhanııat • 26 Qyrkúıek, 2020

Almatyda 500 oryndyq jańa aýrýhana salyndy

Aımaqtar • 26 Qyrkúıek, 2020

Elimizde birqatar poıyz qozǵalysy ózgertildi

Qazaqstan • 26 Qyrkúıek, 2020

Shekten shyqqan ahýal joq

Aımaqtar • 26 Qyrkúıek, 2020

Demalys kúnderi aýa raıy qandaı bolady

Aýa raıy • 26 Qyrkúıek, 2020

Epızootıkalyq jaǵdaı turaqtanýda

Aımaqtar • 26 Qyrkúıek, 2020

Batys Qazaqstanda qos aqynnyń toıy ótip jatyr

Aımaqtar • 26 Qyrkúıek, 2020

О́tken táýlikte 170 adam jazylyp shyqty

Qazaqstan • 26 Qyrkúıek, 2020

Qazaqstanda taǵy 69 adam indet juqtyrdy

Koronavırýs • 26 Qyrkúıek, 2020

Atyraýda egiz ul aman-esen tabyldy

Aımaqtar • 25 Qyrkúıek, 2020

Shymkentte karantındik shekteýler 12 qazanǵa deıin uzartylady

Ońtústik Qazaqstan • 25 Qyrkúıek, 2020

Atyraýda jol boıynda traktor aýdaryldy

Aımaqtar • 25 Qyrkúıek, 2020

Qostanaı oblysynda qus fabrıkasy ashylady

Aımaqtar • 25 Qyrkúıek, 2020

Uqsas jańalyqtar