Ulybrıtanııadaǵy Qazaqstan Elshiligi men QR Aýyl sharýashylyq mınıstrliginiń qoldaýymen Batys Qazaqstan oblysyndaǵy úsh iri kompanııa – «Kýbleı», «Jaıyq Et» jáne «Batys-Paýer» kásiporyndarynyń basshylary Ulybrıtanııaǵa bardy.
Oblys delegasııasy 2018 jylǵy Astana ekonomıkalyq forýmy barysynda qol qoıylǵan memorandýmdy júzege asyrýdyń tıimdi mehanızmin ázirleý úshin «Dunbia» kompanııasymen kelissóz júrgizdi.
О́ńir delegasııasy kompanııanyń óndiristik nysandaryn (soıý, oraý, óńdeý sehtaryn) aralady. «Dunbia» kompanııasynyń bas keńsesinde et óńdeýdiń tolyq sıkli boıynsha jobanyń iske asyrylý barysy talqylandy.
«Prezıdent Nursultan Ábishuly Nazarbaev atap ótkendeı, agrarlyq sektor ekonomıkanyń jańa qozǵaýshy kúshi bolýy kerek. Bizdiń óńir aýyl sharýashylyǵynda, ásirese mal sharýashylyǵynda úlken áleýetke ıe. Sondyqtan biz sizdermen birge aımaqtyń agroónerkásiptik keshenin damytý maqsatynda jemisti yntymaqtastyq ornatýǵa nıettimiz. Bizdi qaldyqsyz óndiris tehnologııasy jáne et ónimderin tereń óńdeýdi qoldaný aıasyndaǵy tájirıbeńiz óte qyzyqtyryp otyr», - dedi Batys Qazaqstan oblysynyń ákimi Altaı Kólginov.
«Dunbia» kompanııasy batysqazaqstandyq kásipkerlermen áriptes bolýǵa, marketıng salasynda óz tájirıbesimen bólisýge daıyn ekenin bildirdi. Atap aıtqanda, kompanııa Qytaı, Iran jáne Taıaý Shyǵystyń naryqtaryna qazaqstandyq etti ilgeriletýdi qamtamasyz etýge múddeli. «Jaıyk Et» qazaqstandyq kompanııasynyń dırektory T.Eskendirov atap ótkendeı, «Dunbia» sııaqty jahandyq kompanııalardyń qazaqstandyq jobalardy iske asyrýy men ınvestısııalaýy qazaqstandyq kásiporyndardyń deńgeıin eleýli túrde kúsheıtip, basqa sheteldik ınvestorlar úshin úlgi bola alady.
Qos tarap ókilderi aýyl sharýashylyǵyn sıfrlandyrý salasyn damytý maqsatynda ótken jumys saparyn óte jemisti bolǵanyn atap ótti.
Batys Qazaqstan delegasııasy «Farm Wizard» kompanııasynyń óndirýshiden tutyný kompanııalarǵa ónimniń jetkizilýin qadaǵalaý júıesimen tanysty. Bul baǵdarlama tutynýshyǵa janýardyń (qaı úıirden, qaı sharýashylyqtan ekendigin) týǵannan bastap, etiniń ústel basyna kelgenge deıingi búkil ómirin baqylaýǵa múmkindik beredi. Bul jumys aýyl sharýashylyǵyn sıfrlandyrý úshin qoıylǵan mindetterge sáıkes júzege asyrylatyn bolady.
Aıta ketsek, «Dunbia» qyzyl et ónimderin qaıta óńdeý boıynsha jetekshi kompanııalardyń biri, onyń ishinde bólshek jáne kóterme saýdada sıyr eti, qoı eti men shoshqa etin óndirý, jergilikti, ulttyq jáne halyqaralyq deńgeıde tamaqtandyrýmen aınalysady. Atalǵan kompanııaǵa Ulybrıtanııa men Irlandııa elderinen 25 kásiporyn kiredi, onda 1 mıllıonnan astam iri qara mal jáne 3 mıllıonnan astam qoı bar. О́ndiriste 30 myńnan astam fermer jáne 7 myń adam jumyspen qamtylǵan. Kompanııanyń álemniń ártúrli elderinde 50-den astam ókildigi bar. Kásiporyn turaqty ekonomıkalyq ósimdi kórsete otyryp, aınalym qarajaty 2 mlrd. evrony qurap otyr. «Dunbia» eýropalyq naryqqa joǵary sapaly ónim jetkizýshi bolyp tabylady, onyń ishinde «McDonalds», «Tesko», «Spar», «M&S» iri saýda jelilerimen jumys jasaıdy. Sondaı-aq, kompanııa agroónerkásiptik keshende mamandar daıyndaıtyn eýropalyq ýnıversıtettermen jumys isteıdi, kompanııa úshin granttar taǵaıyndaýmen aınalysady. «Dunbia» kompanııasy óz ónimderin jaqsartý maqsatynda ǵylymı zertteýler men ázirlemelerdi arttyrý jumystaryn belsendi túrde ınvestısııalaıdy. Negizgi baǵyty tuqymdardy asyldandyrý, turaqtandyrý rejımi men rasıonǵa arnalady.
Qazbek QUTTYMURATULY,
«Egemen Qazaqstan»
