Táýelsiz Qazaqstan tarıhynda 2018 jyl onyń astanasynyń 20 jyldyq mereıtoıy men erekshelenedi. Búginde Elordanyń áleýeti, onyń saıası, áleýmettik-mádenı ómiriniń qarqyny, beıbitshilik jáne kelisim ortalyǵy mártebesi Astanaǵa turǵyndardyń ártúrli toptary men álem elderiniń kásibı jáne saıası qaýym ókilderiniń nazaryn aýdartýda. Halyqaralyq sáýletshiler kongresin Qazaqstan Repýblıkasynyń elordasynda ótkizý Astana qalasynyń 20 jyldyǵyn merekeleý aıasynda oraılastyryldy. Zamanaýı dúnıejúzilik sáýlet óneriniń álemdik trendteri,onyń arhıtektýralyq kelbeti Elordanyń aıshyqty ereksheligi bolyp tabylady, bul óz kezeginde serpindi damyp jatqan qalanyń qaıtalanbas atmosferasyn quraıdy. Álbette, bul álemge áıgili sáýletshiler men sáýlet óneriniń otandyq maıtalmandarynyń shyǵarmashylyǵyndaǵy úndestik nátıjesi.
«Rýhanı jańǵyrý» baǵdarlamasyn iske asyrý, qazaqstandyq qoǵamdy jańǵyrtý jaǵdaıynda astananyń, elimizdiń qalalary men eldi mekenderiniń fızıkalyq jáne áleýmettik ortasyn odan ári damytý men jetildirý máselesi týyndap otyr. О́z kezeginde Astana elorda retinde elimizdiń mádenı bet-beınesin kórsetedi. Astananyń Elorda retindegi kelbeti ǵasyrlar boıy saqtalatyndaı qalyptastyrylyp, sáıkesinshe ony damytý úshin erekshe oılastyrylǵan sáýlettik ıdeıalar men sheshimder qajet. Alaıda álemdik sáýlet ónerindegi jetistikterge beıimdelý ulttyq dástúrlerdiń joǵalýyna ákelmeýi tıis.
Kongresstiń maqsaty: kásibı tájirıbe almasý, álemdik sáýlet óneriniń damýynyń konseptýaldyq-teorııalyq baǵyttarymen jáne onyń negizgi tendensııalarymen tanysý; qazaqstandyq jáne sheteldik jetekshi sáýletshilermen shyǵarmashylyq baılanystar ornatý; qoǵamdaǵy sananyń ashyqtyǵyn qalyptastyrý–sáýlet ónerindegi ulttyq mádenıettiń úzdik dástúrlerin saqtaı otyryp, progressıvti álemdik tájirıbe men bilimdi qabyldaý qabilettiligin qalyptastyrý arqyly zamanaýı otandyq sáýlet ónerin damytý,
Kongress aıasynda «Qalalyq orta: dástúri men keleshegi» taqyrybynda halyqaralyq ǵylymı-praktıkalyq konferensııa ótedi. Konferensııada plenarlyq otyrys pen 2 paneldik sessııa ótkizý qarastyrylǵan:
- Jańa qalalar. Jańa kelbet;
- Áleýmettik jobalaý. Aýladan bastap qalaǵa deıin
Kongress jumysy sheńberinde sonymen qatar «Qundylyqtardy sıntezdeý. Jahandyq kontekstegi lokaldyq sáıkestik» taqyrybynda «dóńgelek ústel» otyrysy ótkizilmek.
Jas sáýletshiler, sonymen birge stýdentter startap ýıkend formatynda ótkiziletin «Qalalyq orta: «Aqyldy» aýdan» baıqaýyna qatysa alady.
Kongress aıasynda sheberlik sabaqtary, sheteldik tanymal sáýletshilerdiń dáristeri, «Ortany qalyptastyratyn kim?» taqyrybynda dıalog alańyn ótkizý josparlanǵan.
Kongresske alys jáne jaqyn shetel sáýletshileri; úkimet pen bıznes ókilderi; elimizdiń barlyq oblystary men respýblıkalyq mańyzy bar qalalarynan (Astana, Almaty, Shymkent) otandyq sáýletshiler; developerler, tehnologııalyq kompanııalar, jobalaý bıýrolary, ınjener-jobalaýshylar; joǵary oqý oryndarynyń sáýlet óneri fakýltetiniń stýdentteri; qala belsendileri, ýrbanıster, qazirgi zamanǵy sýretshiler; BAQ ókilderi qatysady.
