Sý jańa aspapqa qaryq bolǵan búldirshinder balalar úıinde qurylǵan dombyra ansambliniń beldi músheleri. Olardyń keıbiri boıynda týa bitti kemistigi bar balalar. Naǵyz sheberdiń qolynan shyqqan sapasy joǵary dombyraǵa qol jetkizgen búldirshinderdiń qýanyshynda shek joq. О́zimizdiń jeke dombyramyzdyń bolǵany bos ýaqytymyzdy tıimdi ótkizip, shyǵarmashylyqpen erkin aınalysýǵa jol ashyp otyr deıdi, jas ónerpazdar.
– Halqymyzdyń tól mádenıeti dombyradan bastaý alady. О́zimizdiń baılyǵymyz, qazynamyz, halyqtyń arman tilegi, kóńil-kúıi osy dombyra arqyly beınelenip otyrady. Dombyranyń qońyr únimen ósken bala rýhanı qýaty myqty azamat bolyp qalyptasady. Eń aldymen osy maqsatty nysanǵa aldyq jáne bul isimizdi Elbasynyń «Rýhanı jańǵyrý» baǵdarlamasyna qosqan az da bolsa óz úlesimiz dep esepteımiz, – deıdi ulttyq buıymdardy nasıhattaýshy sheber Saltanat О́miráli.
Búldirshinderge dombyra úlestirý rásimi qalalyq qolóner sheberleri uıymdastyrǵan ulttyq buıymdar kórmesine ulasty. Munda sheberler súıekten, aǵashtan, asyqtan, teriden jasalǵan túrli qolóner buıymdaryn usynyp, olardyń tarıhy týraly áńgimeledi. Bir qýantarlyǵy sol, ult murasyn nasıhattaýshylar dombyraǵa qyzyǵýshylyǵy bar zerek balalar bolsa mundaı káde syılardy áli de tegin taratýǵa daıyn ekendikterin aıtady.
Arman OKTIаBR,
«Egemen Qazaqstan»
ALMATY
