Saltanatty rásimge «Nur Otan» Mańǵystaý oblystyq fılıaly tóraǵasynyń birinshi orynbasary N.Lazaruly, Aqtaý qalalyq fılıaldyń tóraǵa orynbasary Q.Aıashuly, Mańǵystaý oblystyq bilim basqarmasynyń basshysynyń mindetin atqarýshy N.Kóbeısinuly jáne Aqtaý qalalyq «Nur Otan» partııasy fılıalynyń janynan qurylǵan ardagerler keńesiniń jetekshisi E.Jańbyrov,Aqtaý qalalyq máslıhatyndaǵy «Nur Otan» partııasynyń depýtattyq fraksııa múshesi Y.Kósherbaı qatysyp, IT synyptyń tusaýyn kesti.
Oqýshy ortalyǵynda botanıkalyq baq, ushaq jasaý úıirmesi, sýret salý, án, mýzykalyq aspaptar úıirmesi, sport alańy men balet úıirmeleri bar.
IT synybynda ázirshe Scratch baǵdarlamasy úıretilýde. Sondaı-aq balalar 3 D qalamdarymen túrli qalyptaǵy pishimder jasap ta úırengen.
- «Nur Otan» partııasynyń bastamasymen, bilim basqarmasynyń qoldaýymen ashylyp jatqan IT synyptyń balalarǵa bereri mol dep esepteımin. Olardyń jaz mezgilindegi ýaqytyn tıimdi ótkizýde bul synyptyń alar orny erekshe. Sabaq aptasyna 2 ret bir jarym saǵattan ótedi. Balalardyń qyzyǵýshylyqtary men tez arada uǵyp alýy bizdiń jumysymyzdy jandandyra túsedi, - deıdi ınformatıka páni muǵalimi Dınara Qydyrqyzy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
