Qazaqstannyń Syrtqy ister mınıstri Qaırat Ábdirahmanov bul mańyzdy qujatqa qol qoıý Qazaqstan men Reseı qatynasynyń odaqtastyq sıpatyn alǵashqy ret belgilep, bizdiń elder arasyndaǵy yntymaqtastyqtyń úlgili modeliniń nyǵaıýyna jáne jan-jaqty ózara yqpaldastyǵyna jaǵdaı jasaǵanyn atap ótti.
«О́tken kezeńde Deklarasııa bizdiń elderdiń strategııalyq áriptestigi tetiginiń berik negizi boldy. Jáne búgin Qazaqstan men Reseı arasyndaǵy qatynastar senimmen jáne qarqyndy damýda, al ózara yqpaldastyq barlyq baǵyttarda tereńdeýde», dep aıryqsha atap kórsetti Q.Ábdirahmanov.
О́z kezeginde, Reseıdiń Syrtqy ister mınıstri Sergeı Lavrov Deklarasııanyń negiz bolatyn ıdeıalaryn iske asyrý qazaqstandyq-reseılik qatynastardyń údemeli damýyn, olardyń odaqtastyq pen strategııalyq áriptestiktiń jańa sapaly deńgeıine shyǵýyn qamtamasyz etkenin atap ótti.
Reseı SIM-iniń basshysy óziniń quttyqtaý joldaýynda: «Qazirgi kúrdeli halyqaralyq jaǵdaıda mundaı amal bizge bir-birimizdiń múddelerimizdi eskeretin sheshimder tabýǵa múmkindik beredi», dep jazdy.
1998 jylǵy 6 shildede eki memleket basshylary Nursultan Nazarbaev jáne Borıs Elsın Qazaqstan men Reseıdiń máńgilik dostyq dánekerin «ulttyq qaýipsizdiktiń, saıası turaqtylyqtyń, ultaralyq kelisim men eki eldiń órkendeýiniń kepildigi» retinde saqtaıtynyn saltanatty túrde málimdedi.
2018 jylǵy 6 shildede belgili reseılik basylym «Rossııskaıa gazetada» Syrtqy ister mınıstri Qaırat Ábdirahmanovtyń Deklarasııaǵa qol qoıylǵandyǵynyń 20 jyldyǵyna arnalǵan maqalasy shyqty. Atap aıtqanda Mınıstr jańa myńjyldyqta eki eldiń kópqyrly jáne tabysty qatynastary damýynyń sapaly jańa ustanymdary men parametrlerin qalyptastyrǵan Deklarasııanyń qundylyǵy týraly aıtyp ótti. Budan ózge, Q.Ábdirahmanov shyn máninde TMD keńistigindegi strategııalyq áriptestik pen odaqtastyq qatynastardyń úlgili modeli dep ataýǵa bolatyn Qazaqstan men Reseıdiń búgingi dostyq qatynastary týraly pikirimen bólisti.
«Egemen-aqparat»
