«Densaýlyq kepili – Býd zdorov! – Be healthy!» uranymen ótken shara barysynda fleshmob, shatyr astyndaǵy «Densaýlyq qalashyǵynyń» jumysy, shuǵyl járdem daǵdylaryna úıretý sııaqty baǵdarlamalar júzege asty. Sonymen qatar aksııa aıasynda onkolog, kardıolog, ftızıatr, rentgen-laborant, endokrınolog, pedıatr mamandardan quralǵan mobıldi medısınalyq brıgadalar jumys istedi. Beıindi mamandar turǵyndarǵa konsýltatıvtik-dıagnostıkalyq kómek kórsetti.
О́z sózinde Qoǵamdyq densaýlyq saqtaý ulttyq ortalyǵynyń bas dırektory Ýálıhan Ahmetov Elbasynyń «Tórtinshi ónerkásiptik revolıýsııa jaǵdaıyndaǵy jańa múmkindikter» atty Joldaýynda salamatty ómir saltyn nasıhattaı otyryp, qoǵamdyq densaýlyqty basqarý isin kúsheıtý qajettigine nazar aýdarǵanyn atap ótti. «Joldaýdy iske asyrý maqsatynda Densaýlyq saqtaý mınıstrligi halyqty salamatty ómir salty qaǵıdattary týraly aqparattandyrýǵa baǵyttalǵan qoǵamdyq densaýlyqty nyǵaıtý jóninde jospar ázirledi», dedi ol. Sondaı-aq Memleket basshysy qazaqstandyqtardy sportpen shuǵyldanýǵa shaqyrǵanyn jáne «Challenge, sen basqasyń!» sporttyq bastamasyn qoldaǵanyn aıtty. «Búgin biz «Salamattylyq ádetteri» marafonyn bastap otyrmyz. Qarapaıym is-áreketter ár adamǵa aýrýdyń aldyn alýǵa jáne ómir súrý sapasyn arttyrýǵa múmkindik beredi. Bas qalamyzdyń 20 jyldyǵy aıasyndaǵy estafetany elimizdiń basqa da óńirleri jalǵastyrmaqshy», dedi ortalyq basshysy.
Sondaı-aq «Salamattylyq ádetteri» marafonynda dastarqannan tuz solonkasyn alyp tastaý, táýligine 2 lıtr sý ishý, kúndelikti 10 myń qadam júrý sııaqty usynystar aıtyldy. Qoǵamdyq densaýlyq saqtaý ulttyq ortalyǵynyń, bas qalanyń, Almaty aýdanynyń, densaýlyq saqtaý basqarmasy basshylyǵynyń ózderi de úlgi-ónege bolyp, saý ádetterdiń jolyn nusqap, maneken arqyly júrek-ókpeni reanımasııalaý kezinde shuǵyl kómek kórsetý daǵdylaryn kórsetti.
Marafonǵa qatysýshylar dostaryn, týǵan-týysqandaryn, áriptesterin, tanystaryn óziniń tańdaýy boıynsha fastfýdtan, gazdy sýsyndardan, tátti taǵamdardan bas tartýǵa, jemis-jıdekter tańdaýǵa, sondaı-aq 100 ret sergitý jattyǵýlaryn jasaýǵa jáne estafetany ári qaraı «Al sizdiń qolyńyzdan kele me?» uranymen jalǵastyrýǵa shaqyrdy. Marafon búkil elimizde «Densaýlyq joly» aıasynda ótedi.
Mıras ASAN,
«Egemen Qazaqstan»
