«Búgin ishki ister mınıstriniń buıryǵy resmı jarııalandy. Oǵan sáıkes, vedomstvonyń keıbir normatıvtik-quqyqtyq aktilerine ózgeris engiziledi. Atap aıtqanda, Shymkent qalasy óńirin belgileý úshin «17» sany qoldanylady. Shymkentten beriletin júrgizýshi kýálikterine «Ú» lıteri basylady. Túrkistan oblysy «13» memlekettik nómirinde jáne «H» lıterinde qala bermek», - dep málimdedi baspasóz qyzmeti.
Komıtet ókilderiniń aıtýynsha, atalǵan buıryq búgin ǵana resmı jarııalandy. Resmı jarııalanǵannan keıin 10 kúnnen soń - 24 shildede kúshine enedi. «Sol kúnnen bastap Shymkentte tirkelgen kólik quraldaryna jańa memlekettik nómir belgileri berile bastaıdy», - deıdi komıtet ókilderi.
2018 jylǵy 19 maýsymda el Prezıdenti Nursultan Nazarbaev Shymkentke respýblıkalyq mańyzy bar qala mártebesin bergen bolatyn.
