Senator 13 shildede Polsha Parlamentindegi mereıtoı kúnine arnalǵan saltanatty otyrysqa qatysty.
Varshavaǵa sapar aıasynda Polsha Parlamenti qos palatasynyń tóraǵalarymen kezdesý boldy. T. Muqashev Qazaqstan Parlamenti Senatynyń Tóraǵasy Qasym-Jomart Toqaevtyń atynan Polsha Senatynyń marshaly Stanıslav Karchevskııdi osy eldiń tarıhyndaǵy mańyzdy datamen quttyqtady. Áńgime barysynda eki eldiń zań shyǵarý organdarynyń ózara is-qımylynyń keleshegi týraly aıtyldy. Sondaı-aq S. Karchevskııdiń 2016 jyly Qazaqstanǵa sapary barysynda qol jetken ýaǵdalastyqtaryn iske asyrý barysy da talqylandy.
Senator T. Muqashev pen Polsha Senatynyń vıse-spıkeri Marııa Kos ekijaqty yntymaqtastyqtyń aýqymdy máseleleri týraly pikir almasty. Júzdesýshiler eki eldiń joǵary deńgeıdegi saıası jáne ekonomıkalyq ózara is-qımyly men parlamentaralyq únqatysýdyń qarqyndy sıpatyn atap ótti. Qazaqstan delegasııasynyń basshysy bizdiń elimizdiń qoǵamdyq-saıası jáne ekonomıkalyq ómirine polıak dıasporasynyń belsendi qatysyp kele jatqany týraly aıtty.
Senatordyń aıtýynsha, Qazaqstanda polıak tilin, mádenıeti men dástúrlerin damytý jáne ózderiniń tarıhı otandarymen baılanystaryn nyǵaıtý úshin barlyq jaǵdaı jasalǵan. T. Muqashev Qazaqstan Senatynyń Tóraǵasy Q.Toqaevtyń quttyqtaý hatyn M. Kosqa tabys etti.
T. Muqashev sondaı-aq Polsha Seımi Tóraǵasynyń orynbasary Ryshard Terleskıımen de áńgimelesti.
Sharaǵa Qazaqstannyń Varshavadaǵy elshisi Marǵulan Baımuqan qatysty.
