Elimizdegi sý joly boıynsha júk tasymaldaıtyn jalǵyz kásiporyn. Tranzıttik áleýetti damytyp, óńirdiń, elimizdiń órkendeýine úles qosýda. Sý joldary arqyly Reseıge qurylys zattary jiberiledi. Port qıyrshyq tas, kómir, tuz, aǵash, qurylysqa qajetti materıaldardy tasymaldaýmen aınalysady.
Qazir kásiporynda 200-den asa adam eńbek etýde. Portta tórt kirme jol bar. Kásiporynda kópfýnksııaly Water master Classic IV, V mashınasy, býksırli teplohodtar, júk kótergishtigi 5 tonnalyq 4 qalqyma kran, júk kótergishtigi myń tonnalyq, úsh myń tonnalyq 2 barja jáne taǵy basqa da tehnıkalar bar. Bul jerde táýligine 9 barjanyń júgi túsiriledi. Port ózendi tereńdetý jumystarymen aınalysýda.
Kásiporyn basshysynyń orynbasary Tólegen Kúljanovtyń aıtýynsha, ózendi tazartý jumysy boıynsha 23 jobany jasalypty.
О́zenniń tasymal kólikterine qolaılylyǵyn saqtaý úshin Ertis ózenin jıi tazartyp, qajetti tereńdikti saqtaý qajet. Qazir júk tasymalyna Reseı ǵana emes, Qytaı da nazar aýdara bastapty. О́zen porty erekshe tehnologııalyq múmkindikteri bar zamanaýı kásiporynǵa aınalyp keledi. Júkterdi saqtaıtyn alańdar da bar. Kásiporyn ekologııalyq zııan keltirmeıtin, ózen arnalaryn arshýǵa, tereńdetýge arnalǵan jańa ınnovasııalyq tehnıkalarmen qamtamasyz etilýde.
Farıda BYQAI,
«Egemen Qazaqstan»
PAVLODAR
