Jańa Oqýshylar saraıy 1800 balaǵa eseptelgen, onyń salyný merzimi osy jyldyń qyrkúıek aıyna josparlanǵan. Nysannyń basty maqsaty – balalardyń jobalaý-zertteý qyzmetin jáne ǵylymı-tehnıkalyq shyǵarmashylyǵyn damytý bolyp tabylady. Oqýshylar saraıynyń bazasynda IT-ortalyǵy jumys isteıtin bolady.
- Oqýshylar saraıynyń bazasynda bolashaq IT-ortalyǵynyń tujyrymdamasynda 3 negizgi mindet anyqtaldy.Birinshisi - balalardy zamanaýı aqparattyq tehnologııalar álemine, IT-kásipkerlikke jáne tájirıbeli IT-mamandarmen kommýnıkasııaǵa kóshirý.Ekinshiden, «progressıvti» ata-ana men daryndy balalardyń dostastyǵy qalyptasady. Sonymen biz ata-analarǵa zamanaýı tehnologııalardy saýatty paıdalana alatyn balalardy tárbıeleýge kómektesetin bolamyz», - dedi ortalyq dırektory Dına Ábilmájinova.
Ortalyqta balalardy tıimdi oqytý úshinzerthanalar jumys isteıtin bolady. Olar ónerkásiptik ınternet-zattar zerthanasy, robototehnıka jáne mehatronıka men dron jınaý jáne elektronıka men elektrotehnıka kabınetteri, sondaı-aq, SDR radıo zerthanasy, 3D-prototıp kabıneti, vırtýaldy naqtylyq, baǵdarlamalaý kabınetteri bolady. Budan basqa, saraı bazasynda ınnovasııalyq kovorkıng-aımaǵy bolady. Onda sóılesý bólmeleri, smart ofıster, kompıýterlendirilgen aımaqtar qamtylady.
Sońdaı-aq, saraıda kórkemdik-estetıkalyq baǵyttaǵy shyǵarmashylyq aımaǵy qarastyrylǵan. Onda balalar horeografııa, teatr jáne vokaldyq daǵdylardy úırenedi.
«Oqýshylar saraıy men joǵary tehnologııalyq bazasy bar biregeı IT-ortalyǵy balalar men jastardyń ıntellektýaldy damýynyń oshaǵy bolyp tabylady.Munda ǵylymı jáne shyǵarmashylyq qyzmet úshin eń jaqsy jaǵdaılar jasalady. Memleket basshysy bul týraly óziniń «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» Joldaýynda aıtqan bolatyn», - dedi Májilis depýtaty Muhtar Erman.
Sondaı-aq, depýtat búgingi tańda «Nur Otan» partııasynyń jastarǵa baǵyttalǵan jańa jobalary bar ekenine, ol elimizdegi kóptegen talantty jastardyń óz áleýetin jan-jaqty iske asyrýǵa múmkindik beretinin jetkizdi.
