Atameken Business Channel
«Astanada jolaýshylardy jáne júkti avtomobıl kóligimen tasymaldaý erejesin bekitý týraly» Qazaqstan Respýblıkasy Úkimetiniń Qaýlysyna sáıkes «Astana qalasynyń Kólik jáne jol-kólik ınfraqurylymyn damytý basqarmasy» MM 2018 jylǵy 21 shildeden bastap qalalyq jáne qala mańy qatynastarynda astananyń qoǵamdyq kóliginde jol júrý tarıfteriniń ózgerýi týraly habarlaıdy», - delingen málimette.
«Avtomobıl kóligi týraly» Qazaqstan Respýblıkasynyń Zańyna sáıkes qalalyq qatynasta astananyń qoǵamdyq kóliginde jol júrýdiń belgilengen tarıfi elektrondyq júıe arqyly tóleý kezinde saralanýǵa jatady.
Baıandalǵandar eskerilip, astananyń qalalyq jáne qala mańy qatynastarynda jolaýshylar men bagajdy avtomobılmen tasymaldaý tarıfteri mynadaı mólsherde belgilenedi:
jolaýshylar men bagajdy kádimgi qalalyq avtomobılmen tasymaldaý – qolma qol aqshasyz elektrondyq jol júrý qujaty arqyly tóleý kezinde 90,0 teńge;
jolaýshylar men bagajdy kádimgi qalalyq avtomobılmen tasymaldaý – qolma qol aqshamen tóleý kezinde 180,0 teńge;
jolaýshylar men bagajdy ekspress qalalyq avtomobılmen tasymaldaý – qolma qol aqshasyz elektrondyq jol júrý qujaty arqyly tóleý kezinde 180,0 teńge;
jolaýshylar men bagajdy ekspress qalalyq avtomobılmen tasymaldaý – qolma qol aqshamen tóleý kezinde 250,0 teńge;
Astana qalasynyń qala mańy qatynastarynda – qolma qol aqshasyz elektrondyq jol júrý qujaty arqyly tóleý kezinde 1 kılometr úshin 8,0 teńge;
Astana qalasynyń qala mańy qatynastarynda – qolma qol aqshamen tóleý kezinde 1 kılometr úshin 11,5 teńge.
Bul rette jol aqysyn elektrondyq tóleý júıesi istemeı turǵan jaǵdaıda, jol aqysyn elektrondyq jol júrý qujaty arqyly tóleıtin jolaýshy tegin jol júrýge quqyly.
«Avtomobıl kóligi týraly» Qazaqstan Respýblıkasynyń Zańyna sáıkes 7 jastan 15 jasqa deıingi balalar úshin qalalyq jáne qala mańy qatynastarynda astananyń qoǵamdyq kóliginde jol júrý tarıfi jol júrý qujatynyń (bıletiniń) tolyq qunynyń elý paıyzyn tóleýdi kózdeıdi.
«Astana qalasy azamattarynyń jekelegen sanattaryna qalalyq baǵdarlardyń jolaýshylar kóliginde jol júrýge tólem tóleýden bosatý túrinde áleýmettik kómek kórsetý tártibi týraly» Astana qalasy máslıhatynyń 2017 jylǵy 20 shildedegi № 167/21-VI sheshimimen aıqyndalǵan azamattardyń jeńildik sanattaryndaǵy jolaýshylardy tasymaldaý erejeleri ózgerissiz qalady.
