Keńes barysynda eldegi shaǵyn nesıe berý naryǵynyń aldaǵy damýy, jeńildikpen shaǵyn nesıe berýdiń ınfraqurylymyn qurý, aýyldyq eldi mekenderde jáne shaǵyn qalalarda shaǵyn nesıe berýge jaǵdaı jasaý máseleleri talqylanyp, osy jyldyń alty aıy ishinde Nátıjeli jumyspen qamtý jáne jappaı kásipkerlikti damytýdyń 2017–2021 jyldarǵa arnalǵan baǵdarlamasynyń júzege asyrylýy boıynsha qol jetkizilgen nátıjeler talqylandy.
Keńeste QR ulttyq ekonomıka mınıstri T. Súleımenov, QR eńbek jáne halyqty áleýmettik qorǵaý mınıstri M. Ábilqasymova jáne QR aýyl sharýashylyǵynyń birinshi vıse-mınıstri A. Evnıev baıandama jasady.
Eske sala keteıik, Nátıjeli jumyspen qamtý jáne jappaı kásipkerlikti damytýdyń 2017–2021 jyldarǵa arnalǵan baǵdarlamasyna sáıkes, shaǵyn bıznesti ashýǵa, shaǵyn kásiporyndardy jáne zákirli kooperasııalardy qurýǵa, sondaı-aq, árekettegi bıznesti damytý úshin syıaqy mólsherlemesi 6 paıyz kóleminde 7 jylǵa deıin nesıe beriledi.
Baǵdarlamany júzege asyrý nátıjesinde 22 myń shaǵyn bıznes ókilderi, ózin-ózi jumyspen qamtyǵan halyq qoldaý taýyp, bıýdjetke túsetin salyqtyq aýdarymdar kólemi artady, jańa jumys oryndary ashylady.
