Jetisýdyń jer emgen dıqandary alqaptardan ónim jınaýǵa kiristi. Aımaqta alǵashqy bolyp eginge oraq salǵan Kerbulaq aýdanynyń sharýalary bitik ósken bıdaı alqaptarynan jınalǵan bıylǵy dán qambany eselep toltyrady dep úmittenip otyr.
Bıyl Almaty oblysynda 500 myń gektarǵa jýyq alqapqa dándi daqyldar sebilgen eken. Onyń 84,8 myń gektary eginge oraq salǵan kerbulaqtyq dıqandarǵa tıesili. Egistik alqaptaryna negizinen bıdaı men qarabıdaı egilgen. Alǵashqy tórt kúngi jıyn-terimniń túsimine qarap jasalǵan boljam boıynsha nátıje jaman emes sııaqty. Sharýalar ótken 4 kún ishinde 1000 gektardyń bıdaıyn shaýyp, jınap úlgerdi.
Qazir Kerbulaqtan bastalǵan oraq naýqanyna oblystyń Jambyl, Ile, Qaratal aýdandary men Qapshaǵaı qalasy da bir demmen qosyldy. Bastysy, bıylǵy jıyn-terim naýqany merziminen keshikpeı bas-
taldy. Endigi mindet orylǵan dándi qambaǵa jınap, ıgilikke jaratý bolyp tur.
Aıtpaqshy tken jyly óńirde 1 339,6 myń tonna dándi daqyl jınalsa, bıyl jetisýlyq sharýalar bul kórsetkishti arttyryp, 1345,6 myń tonna dán bastyrýdy josparlap otyr. Buǵan tolyq negiz bar. О́ıtkeni Almaty oblysynda paıdalanylmaı jatqan alqaptardy aýyl sharýashylyǵy maqsatyna qaıta qosý baǵdarlamasy negizinde aıtarlyqtaı jumys júrgizilýde. Osydan az ýaqyt buryn ırrıgasııalyq júıelerdiń eskirýine baılanysty 127 myń gektar egistik alqaptyń jaramsyz bolyp, aramshópke tunyp jatqany jaıly jıi syn aıtylatyn. Bıyldan bastap osy alqaptar retimen ıgerilip jatyr. Sýarmaly alqaptardaǵy aryqtar men basqa da ırrıgasııalyq júıeler qalpyna keltirilýde. Iаǵnı topyraǵy qunarly óńirdegi 127 myń gektar alqap aınalymǵa qaıta qosylyp, ónim bere bastaıdy. Bul óńir dıqandary úshin de, agrarlyq salanyń ilgerileýi úshin jaǵymdy jańalyq boldy. Irrıgasııalyq júıelerdi jańartýǵa arnalǵan aýqymdy jobany birinshi bolyp Eskeldi aýdany qolǵa alǵan bolatyn. Joba tolyq aıaqtalǵannan keıin aýdandaǵy 4262 gektar sýarmaly jerden ónim alýǵa múmkindik týady. Aýdandaǵy ırrıgasııalyq júıelerdi jańartýǵa 1,5 mıllıard teńge shamasynda qarjy bólingen eken.
Jalpy, 2020 jylǵa deıin Almaty oblysynyń agrarly aımaǵy dep sanalatyn Kóksý, Eskeldi, Aqsý jáne Alakól aýdandarynda 35 myń gektar sýarmaly jer paıdalanýǵa berilmekshi. Bul Jetisý óńiriniń aýyl sharýashylyǵy salasyndaǵy ornyn nyqtap, ónim alýdaǵy úlesin arttyrmaq. Qazir Almaty oblysynyń aýyl sharýashylyǵy boıynsha úlesi 17 paıyzdy quraıdy.
Qalmahanbet MUQAMETQALI,
«Egemen Qazaqstan»
Almaty oblysy
