Ronaldý Týrın komandasymen tórt jyldyq kelisimshartqa qol qoıyp, jylyna 30 mıllıon eýro jalaqy alýǵa kelisken. Sondaı-aq TuttoJuve saıtynyń málimetinshe, Ronaldýdyń jeıdesine suranystyń kóp bolǵany sonshalyqty, klýb dúkeni aldynda uzyn-sonar kezekke turyp, satýshylar úzilissiz qyzmet kórsetýge májbúr bolǵan. Nátıjesinde mınýt saıyn Krıshtıanýdyń bir jeıdesi satylyp jatyr.
Jekpe-jek uıymdastyrýǵa 10 kún berdi
Búkilálemdik boks uıymy (WBO) orta salmaqtaǵy álem chempıony brıtanııalyq Bıllı Djo Sonderske (26-0, 12 KO) álemniń eks-chempıony amerıkalyq Demetrıýs Andrademen (25-0, 16 KO) jekpe-jek ótkizip, WBO beldigin qorǵaýdy mindettedi.
BoxingScene basylymynyń jazýynsha, Búkilálemdik boks uıymy eki boksshynyń promoýterlerine jekpe-jekti uıymdastyrý úshin 10 táýlik ýaqyt bergen. Eger eki tarap ortaq mámilege kele almasa, WBO kezdesýdi óte az somada uıymdastyratyn promoýterge beredi.
Sonders 2017 jyldyń jeltoqsan aıynda kanadalyq Davıd Lemeni jeńgen soń áli birde-bir kezdesý ótkizgen joq. Negizi, sáýir aıynda Bıllı otandasy Martın Mıýrreımen jekpe-jek ótkizýi tıis bolǵan. Alaıda bul kezdesý Sonderstiń jaraqatyna baılanysty eki ret ótpeı qaldy
EA Sports sımvolıkalyq quramdy jarııalady
EA Sports Reseıde ótip jatqan álem chempıonatynyń eń úzdik fýtbolshylarynyń esimin anyqtady. Tizim tómendegideı eki quramǵa bólingen.
Negizgi quram: Kasper Shmeıhel (Danııa), Andreas Grankvıst (Shvesııa), Ierrı Mına (Kolýmbııa), Kıran Trıpper, Harrı Keın (ekeýi de – Anglııa), Lýka Modrıch (Horvatııa), Isko (Ispanııa), Fılıppe Koýtınıý (Brazılııa), N’Golo Kante (Fransııa), Eden Azar, Romelý Lýkaký (ekeýi de – Belgııa).
Qosalqy quram: Gılermo Ochoa (Meksıka), Ýgo Lorıs (Fransııa), Marıo Fernandes (Reseı), Rafael Varan (Fransııa), Harrı Magýaır (Anglııa), Denıs Cheryshev (Reseı), Kevın de Brıýıne (Belgııa), Ivan Rakıtıch (Horvatııa), Irvıng Losano (Meksıka), Takası Inýı (Japonııa), Artem Dzıýba (Reseı), Kılıan Mbappe (Fransııa), Edınson Kavanı (Ýrýgvaı), Marıo Mandjýkıch (Horvatııa).
Daıyndaǵan
Álı BITО́RE,
«Egemen Qazaqstan»
