Bul jerde Elbasynyń sport salasyndaǵy memleket saıasatyn el ishinde ǵana emes, shekaradan tys ilgeriletkeni úshin alǵan marapattary da tur. Olardyń qatarynda sport uıymdary men qoǵamdary, qaýymdastyqtary men federasııalary tartý etken marapattary, sondaı-aq Ulttyq Olımpıada komıteti (UOK) Qurmet belgisi (2000), «Speshıal Olımpıks Qazaqstan qozǵalysyn qoldaǵany úshin» estelik medali men belgisi (2002), Azııa Olımpıada keńesiniń ordeni (2007), FILA Halyqaralyq kúres qaýymdastyǵynyń altyn ordeni (2003) syndy ózge de Olımpıada jáne Paralımpıada oıyndarymen baılanysty marapattar bar. Olardyń eń alǵashqysy ári eń erekshesi – HOK prezıdenti Hýan Antonıo Samaranchtyń Memleket basshysyna tabystaǵan «Eńbegi úshin» atty altyn Olımpıada ordeni (1997).
N.Á.Nazarbaevtyń qoldaýymen otandyq boksshylar jetistikterge jetip keledi. Sol sebepti de, Áýesqoı bokstyń halyqaralyq qaýymdastyǵy (AIBA) Olımpıada boksyn damytýǵa qosqan úlesi úshin Elbasyǵa AIBA altyn ordenin (2000), AIBA kúmis ordenin (2000), «Eńbegi úshin» altyn ordenin (2002) tartý etti.
Endigi kezekte «Qazaqstandaǵy Olımpıada qozǵalysy» kórmesi ekspozısııasynyń tórinen G.Golovkınniń WBA – Dúnıejúzilik boks qaýymdastyǵy (2010), IBO – Halyqaralyq boks uıymy (2011), WBC – Dúnıejúzilik boks keńesi (2016), IBF – Halyqaralyq boks federasııasy (2015-2018) boıynsha chempıondyq tórt belbeýi erekshe oryn aldy.
Álı BITО́RE,
«Egemen Qazaqstan»
