Maıra Shamsýtdınova (1861-1927) – halyq ánshisi, kompozıtor. Qazaqtar buryn Kereký dep ataǵan qazirgi Pavlodar qalasynda dúnıege kelgen. Maıranyń «Kereký úlken qala, uzyn kóshe» dep keletin áni de bar. Kerekýdiń ótkenin túsine almaı júrgender Maıra jaıly oqyp bilse kózderi jeter edi. Jaı ánshi emes, qoǵamdyq oı-sana kózqarasy bıik qaıratker ánshi bolǵanyn osydan-aq kórýge bolar.
Jasynan garmon artyp, án salǵan. Kereký, Qoıandy, Baıanaýyl, Semeıde jármeńke, toı-dýmandarda án salyp, daýysy búkil qazaqqa tanyldy. Tatarsha, oryssha da án aıtty. Mýzykant A.Zataevıchpen kezdesip, óziniń oryndaýyndaǵy jeke ánderin, halyq ánderin jazdyrǵan.
Maıranyń «Ahaý, Semeı,» «Gaýhar tas», «Ertis», «Sáýlem-aı», «Maqpal» sııaqty kóptegen halyq ánderi máńgi halyq esinde, ózi jazǵan «Maıra», «Qyzyl gúl», «О́kshesi etigimniń aınala jez», «Baqsha» ánderiniń de avtory. Jergilikti jýrnalıst aǵamyz, marqum Aıtjan Bádelhanov ánshi jaıly kitap jazyp ketti.
Ánshiniń músinin jasaǵan músinshi Azat Baıarlın. Jobaǵa tapsyrys berýshi – Pavlodardyń Qurmetti azamaty Qýat Esimhanov. Mesenattyń qarajatynan Maıraǵa kópten kútken eskertkish te ornatyldy.
Farıda BYQAI
«Egemen Qazaqstan»
PAVLODAR
Sýretti tsúirgen: Valerıı Býgaev
