Shara maqsaty – jańa týrıstik baǵyttardy jasaý úshin tabıǵı, tarıhı, kıeli mekenderi zertteý, ishki týrızm men ınfraqurylymdy damytý, sonymen qatar týǵan eldi zertteý.
Ekspedısııa 2018 jylǵy 18 shilde men 29 qyrkúıek aralyǵynda 6 baǵyt boıynsha 6 týrıstik klasterdi qamtı otyryp, mańyzdy tabıǵı nysandarǵa barý arqyly ótkiziledi.
Baǵyttar týrızmdi damytý úshin qyzyqty dep tabylatyn barynsha kóp tabıǵı jáne kıeli mekenderdi qamtı otyryp josparlanǵan:
- «Tıan-Shan marjany» - Almaty oblysy;
- «Altaı – órkenıet besigi» - Shyǵys Qazaqstan oblysy;
- «Jońǵar Alataýy» - Almaty oblysy;
- «Saryarqa» - Aqmola, Pavlodar, Qaraǵandy, Qostanaı oblystary;
- «Teńizden teńizge deıin» - Qyzylorda, Aqtóbe, Mańǵystaý oblystary;
- «Jańa Jibek joly» - Túrkistan, Jambyl, Almaty oblystary.
«Biz qazaqstandyqtardyń ózimizdiń týǵan jerdi, ata-babamyz murasyn tanýǵa qyzyǵýshylyǵy artyp kele jatqanyn baıqap júrmiz. Elimizdiń tabıǵaty erekshe – munda taý da, jazyq ta, kól de, ózen de bar! Sondyqtan biz Altaıdan Jibek jolyna deıingi aralyqty qamtıtyn ekspedısııany uıymdasytyryp jatqanymyzdy maqtanysh etemiz. 3 aı ishinde kásibı mamandardan quralǵan top elimizdiń eń qyzyqty jerlerin aralap, olar týraly qazaqstandyq jáne sheteldik týrısterge baıandaıtyn bolady. Ekspedısııa sonymen qatar sol jerlerdegi týrızmdi ary qaraı damytý úshin qajetti ınfraqurylymdyq sheshimderdi tabýǵa múmkindik beredi», - dep atap ótti «Kazakh Tourism» UK» AQ Basqarma tóraǵasy Rashıd Kúzembaev.
Ekspedısııaǵa 140-qa jýyq adam qatysady dep kútilýde, olardyń qataryna kásibı gıdter men tájirıbeli saıahatshylar, jýrnalıster, trevel-blogerler, sondaı-aq depýttar men medıa tulǵalar kiredi. «Jańa Jibek joly» baǵyty boıynsha National Geographic Reseı toby qatysady.
«Biz Qazaqstandy zertteý maqsatynda uıymdastyrylǵan osyndaı úlken de mańyzdy jobanyń bólshegi bolatynymyzǵa óte qýanyshtymyz. Ekspedısııa osy sársenbide bastalady, árkimniń osy joldan dámesi baryna senimdimin. Basty mindet – aldymyzda 6 aımaqty týrısterge jańa qyrynan tanystyrý. Biz jańa áserge bólenip, jańalyqtardy ashý úshin shetelge shyǵýdyń qajeti joq ekenin kórsetkimiz keledi, sebebi elimizdiń tarıhyna qatysty eń mańyzdy da qyzyqty jerler barlyǵy óz elimizde ornalasqan», - deıdi Kazakh TV telearnasynyń dırektory Sandýǵash Rahymjanova.
Ekspedısııa nátıjesinde elimizdiń tabıǵı nysandary týraly jańa týrıstik baǵyttar, sapaly foto- jáne vıdeobankter qurylady, olardyń qazirgi kúıi týraly ózekti aqparat alynady. Sonymen qatar ekspedısııa barysynda qamtylǵan tabıǵı nysandar boıynsha ıllıýstrasııalanǵan jolnusqa jasalatyn bolady. Ekspedısııa barysy BAQ betteri men áleýmettik jelilerde keńinen kórsetilip otyrady. Ekspedısııa quramyna týrıstik nysandarǵa barý nátıjesi boıynsha arnaıy televızııalyq baǵdarlama jasaýdy josparlap otyrǵan «Kazakh TV» telearnasynyń túsirilim toby kirdi. Eksepdısııanyń keıbir baǵyttaryna «Habar-24» arnasyndaǵy «Jeruıyq» baǵdarlamasynyń túsirilim toby qosylatyn bolady.
Ekspedısııanyń resmı medıa-seriktestigi «Habar» agenttigi bolyp tabylady
