Keńes barysynda ekonomıkany sıfrlandyrý jáne tehnologııalyq jańartý, AKT, kólik jáne týrızm salalaryn damytý máseleleri jóninde 2018 jylǵa arnalǵan josparlar men I jarty jyldyqtyń aldyn ala esepteri tyńdaldy. Sondaı-aq Almaty oblysy ákimdiginiń jobalyq basqarý máseleleri qaraldy.
Almaty oblysynyń ákimi A. Batalov I jarty jyldyqtaǵy jobalyq basqarý aıasynda atqarylǵan jumystar jáne AО́K, kólik jáne logıstıkany, týrızm, saýda, densaýlyq saqtaý jáne bilim berý salalaryn damytý, ındýstrııalandyrýdy júrgizý boıynsha 2018 jylǵa arnalǵan josparlar týraly baıandap, jappaı kásipkerlikti damytýdyń, ónimdi jumyspen qamtýdyń, qarjylyq turaqtylyqtyń, ekonomıka salalaryn sıfrlandyrýdyń jáne AKT damytýdyń negizgi baǵyttaryn júzege asyrý jóninde aıtyp berdi.
Aqparat jáne kommýnıkasııalar mınıstri D.Abaev aqparattyq-kommýnıkasııalyq ınfraqurylymdy damytý, taý-ken ónerkásibinde sıfrlyq tehnologııalardy paıdalaný, kólik jáne logıstıka, AО́K, elektrondyq saýdany damytý, ınnovasııalyq sıfrlyq ekojúıeni qurý jáne «Aqyldy» qalalardy iske asyrý týraly baıandady.
О́z kezeginde ınvestısııalar jáne damý mınıstri J.Qasymbek tehnologııalar transferti júıesin, addıtıvti mashına jasaýdy, Indýstrııa 4.0 elementterinen turatyn ónerkásiptiń negizgi salalaryn tehnologııalyq qaıta jaraqtandyrýdy damytý týraly aqparat berdi.
Sondaı-aq, ınvestısııalar jáne damý mınıstri J.Qasymbektiń júk tasymaldarynyń kólemin ulǵaıtý úshin fıtıngti platformalarmen qamtamasyz etý, júk avtokólik quraldarynyń parkin jańartý, Almaty q. aınalmaly temir jolynyń qurylysy, joǵary jyldamdyqta júrýge arnalǵan avtokólik joldaryn salý jáne paıdalanýǵa berý, sondaı-aq áýe qatynastarynyń jańa baǵyttaryn ashý týraly esebi tyńdaldy.
Mádenıet jáne sport mınıstri A.Muhamedıuly vızalyq–kóshi-qon rejımin yryqtandyrý, jol boıyndaǵy servısti damytý, Qazaqstannyń týrıstik áleýetin jetildirý úshin týrıstik baǵyttardy damytý jáne Almaty, Aqmola jáne Mańǵystaý oblystarynda birqatar ınvestısııalyq jobalardy júzege asyrý jóninde baıandady.
