Shırek fınaldan soń, úzdik 15-i iriktelip, kelesi kezeńge ótti. 23 jastaǵy Ernar Sadyrbaev áýeli Nurǵısa Tilendıevtiń «Qustar ánin» shyrqap, ekinshi kúni orkestrdiń súıemeldeýimen Raımond Paýlstiń «Podberı mýzyký» jáne Rokopera Mosarttyń «Iа splıý na rozah» atty shyǵarmalaryn oryndaǵan. Festıvalda Qazaqstannyń Halyq ártisi Roza Rymbaeva men Dımash Qudaıbergen tórelik etti. Eske salsaq, Dımash Qudaıbergen 2015 jyly Vıtebskide ótken «Slavıan bazary» halyqaralyq án festıvalinde bas júldeni ıelengen bolatyn.
Jıyrma jetinshi ret ótkizilgen halyqaralyq óner festıvaliniń Gran-prı júldesi Rýmynııanyń ánshisi Marchel Roshkaǵa buıyrdy. Roshka men Ernar Sadyrbaevtyń upaılary birdeı bolǵan (156 ball). Alaıda, qazylar alqasynyń tóraǵasy Aleksandr Morozovtyń sheshimimen bas júlde rýmynııalyqqa berildi.
Ekinshi oryndy Ýkraına, úshinshi oryndy Polsha men Belarýs elderiniń ánshileri alǵan. Bul – Ernar Sadyrbaevtyń halyqaralyq dárejedegi úshinshi iri jeńisi. Buǵan deıin Praga qalasynda ótken eki birdeı halyqaralyq án baıqaýynan Gran-Prı júldesin utyp alǵan.
1995 jyldan bastap Belarýs Respýblıkasynyń prezıdenti Aleksandr Lýkashenkonyń jeke qoldaýymen ótetin festıval halyqtar arasyndaǵy mádenı dıalogtyń qalyptasýyna yqpal etetin mádenı shara bolyp esesteledi. Festıval kúnderi Belarýs, Reseı, Ýkraına elderiniń óner ıeleriniń gala-konserti, «Shekarasyz festıval», «Teatr kezdesýleri», «Juldyzdy sát» baǵdarlamalary ótkiziledi. Bıylǵy «Shekarasyz festıval» Qazaqstannyń óner sheberlerine arnalǵan bolatyn. Sonymen qatar, Belarýs prezıdenti Aleksandr Lýkashenko «Slavıan bazary» festıvaliniń saltanatty ashylý rásiminde ánshi Roza Rymbaevaǵa «О́ner arqyly – beıbitshilik pen ózara túsinistikke» arnaıy marapatyn tabys etti, Ánshi bul marapattyń beriliýi onyń shyǵarmashylyǵyn moıyndaý dep qana emes, Qazaqstannyń ónerine qurmet kórsetý ekendigin atap ótti. «Belarýs pen Qazaqstannyń qarym-qatynasy árdaıym jyly bolǵan. Biz ony jyldar boıy saqtap qaldyq», dedi Roza Rymbaeva.
Al Vıtebskige qazylar alqasynyń múshesi retinde kelip, festıval aıasynda án shyrqaǵan Dımash Azııa-Tynyq muhıt aımaǵynyń eń tanymal ártisteriniń tiziminde taǵy kósh bastap tur.
Baǵashar TURSYNBAIULY,
«Egemen Qazaqstan»
