Suhbattasý aldynda óńir basshysy fransýz delegasııasyn Fransııa quramasynyń Reseıdegi fýtboldan álem chempıonatyndaǵy jeńisimen quttyqtady. Sońǵy ret fransýzdar álem birinshiliginde 20 jyl buryn – 1998 jyly jeńip shyqqan edi.
Nurlan Noǵaev atap ótkendeı, búginde Atyraý oblysy memleket basshysy qoıǵan strategııalyq mindetterdi iske asyrýdaǵy belsendi jáne júıeli is-qımyldardyń nátıjesinde serpindi damý ústindegi óńirlerdiń biri. Oblysta údemeli ındýstrııalyq-ınnovasııalyq damý aıasynda iri aýqymdy ınvestısııalyq jobalar iske asyrylýda. Qazirgi tańda óńir ekonomıkany ártaraptandyrý maqsatynda basqa baǵyttardy – agroónerkásiptik keshendi, densaýlyq saqtaý, týrızm salalaryn damytýda. – Memleket basshysy Nursultan Nazarbaevtyń elimizge sheteldik ınvestısııalardy, joǵary tehnologııalardy tartý, personaldardy álemdik standarttar boıynsha oqytý jónindegi tapsyrmasy bar. Osy baǵytta oblysymyzda birqatar ister atqaryldy, - dep erekshe atap ótti Nurlan Noǵaev. – Biz bıznesti damytý jáne ınvestısııalyq ahýaldy jaqsartý úshin barlyq jaǵdaılardy jasaımyz. Sizdiń elden kelgen kompanııalar birlesken jobalar qurý úshin barlyq qajetti kómekti ala alatynyna sendirgim keledi.
Atyraý oblysynyń Fransııamen syrtqy saýda aınalymy 2018 jyldyń birinshi toqsanynda 854,9 mln. AQSh dollaryn qurady, bul ótken jyldyń sáıkes kezeńine qaraǵanda 27,6%-ǵa artyq. О́ńir aýmaǵynda fransýz kapıtalynyń qatysýymen 8 kompanııa jumys jasaıdy.
О́z kezeginde Fransııanyń Qazaqstandaǵy Tótenshe jáne О́kiletti elshisi Fılıpp Martıne oblys ákimimen eki el arasyndaǵy yntymaqtastyq boıynsha aldaǵy josparlarymen bólisti.
- Fransııa Qazaqstanmen tyǵyz yntymaqtastyq jasaıtyn elderdiń úshtigine kiredi. Osy jyly eki el arasyndaǵy strategııalyq yntymaqtastyq týraly shartqa 10 jyl bolady, - dedi Fılıpp Martıne. Bizdiń kompanııalarymyz sizdiń el aýmaǵyndaǵy kóptegen iri jobalarǵa qatysady. Biz jańa tehnologııalardy usynýǵa, Qazaqstan ekonomıkasynyń túrli salalary úshin kadrlar daıyndaýǵa qatysýǵa daıynbyz. Balamaly energetıkany, mádenı baılanystardy damytý, stýdentterdi Fransııanyń joǵarǵy oqý oryndaryna oqýǵa shaqyrý – bul eki el ekonomıkasyn biriktirýdiń bir bóligi ǵana.
Sonymen qatar fransýz elshisi kóptegen jobalardy iske asyrýǵa jáne Fransııa men Qazaqstan arasyndaǵy mádenı baılanystardy damytýǵa múmkindik beretin alda bolatyn qazaqstan-fransýz forýmy týraly da áńgimeledi.
Kezdesý sońynda oblys ákimi Nurlan Noǵaev óńirde ózara tıimdi yntymaqtastyqty jolǵa qoıýǵa bolatyn óte kóp salalardyń baryn aıta kele, Fransııa ókilderin Atyraý oblysyna jıi kelýge shaqyrdy.
