Osy jyldyń alǵashqy alty aıynda «Qazaqmys korporasııasy» JShS ken óndirý óndiristik josparyn oryndap, barlyǵy 14 mıllıon 507 myń tonna ken óndirdi.
Kendi qaıta óńdeý jospary 92,8 myń tonnaǵa artyǵymen oryndaldy. Qaıta óńdeýdiń jalpy kólemi 15 mıllıon 51myń tonnany quraıdy. Qaıta óńdelgen kendegi mystyń ortasha quramy – 0,93%.
Shyǵarylǵan taza mystyń kólemi 104 116 tonnaǵa jetip, jospardaǵy kórsetkishten 7 027 tonnaǵa artty. Konsentrattaǵy mys 123 056 tonnany qurady, jospardan 4 261 tonnaǵa artyǵymen oryndalǵan.
– Jyl aıaǵynda JMZ-nyń ekinshi peshin iske qosýdy josparlap otyrmyz, osylaısha Jezqazǵan mys balqytý zaýyty júz paıyzdyq qýatpen jumys isteıtin bolady. Al, «Kazakhmys Energy» barlyq josparlanǵan kúrdeli jóndeý jáne týrboagregattardy iske qosý jumystaryn qatań jospar boıynsha júzege asyrýda. Jyl sońyna deıin Jezqazǵan JEO-daǵy qosymsha agregatty iske qosyp, Topar JEO jańǵyrtýdy tolyǵymen aıaqtaımyz, – deıdi «Qazaqmys korporasııasy» JShS Basqarýshy keńesiniń Bas dırektory Baqtııar Qyryqpyshev Qazaqstan baspsóz klýby taratqan habarda.
Aınash ESALI,
«Egemen Qazaqstan»
