«Memleket basshysynyń tapsyrmasyna sáıkes QR IDM Azamattyq avıasııa komıteti elimizdiń jergilikti áýe jelilerin damytý boıynsha jumystardy júrgizip jatyr. Osyǵan oraı, sondaı-aq týrızmdi damytý jáne Pavlodar oblysynyń Baıanaýyl aýdanyndaǵy kýrorttyq aımaqtyń qoljetimdiligin arttyrý maqsatynda uzyndyǵy 1200 m jáne eni 21 m ushyp-qoný alańy jańartylýda. Jergilikti aerodrom barlyq qajetti aeronavıgasııalyq jabdyqtarmen jabdyqtalmaq. Sondaı-aq, jolaýshylarǵa qyzmet kórsetý úshin 200 sharshy metr aýmaqty quraıtyn ǵımarat salynady», - delingen mınıstrik taratqan habarlamada.
Baspasóz qyzmetiniń habarlaýynsha, kýrorttyq aımaqtaǵy aerodromdy 2018 jyldyń sońyna deıin salyp bitirý josparlanǵan. Tıisti sertıfıkattaýdan keıin, kelesi týrıstik maýsym aldynda Astana-Baıanaýyl, Pavlodar-Baıanaýyl reısterin ashý kózdelinip otyr. Sonymen qatar, Almaty-Baıanaýyl baǵytyn ashý boıynsha jumystar júrgizilýde. Atalǵan baǵyttarda aımaqtyq avıasııanyń ushaqtaryn paıdalaný josparlanyp otyr.
Bıylǵy týrıstik maýsymda Astana men Almatydan Balqash, Úsharal jáne Úrjar kýrorttyq aımaqtaryna sýbsıdııalanǵan turaqty ishki reıster oryndalatyndyǵyn atap ótken jón.
