Partııalyq tizimderdi usyný jáne tirkeý qorytyndylary týraly
2011 jylǵy 15 jeltoqsanda partııalyq tizimder boıynsha saılanatyn Qazaqstan Respýblıkasy Parlamenti Májilisi depýtattyǵyna kandıdattardy tirkeý aıaqtaldy. Qazaqstan Respýblıkasynyń Ortalyq saılaý komıssııasyna segiz saıası partııanyń partııalyq tizimderi usynyldy jáne tirkeldi: 1. «Nur Otan» halyqtyq-demokratııalyq partııasynyń; 2. Qazaqstannyń «Ak jol» demokratııalyq partııasynyń; 3. Jalpyulttyq sosıal-demokratııalyq partııanyń; 4. Qazaqstan sosıal-demokratııalyq «Aýyl» partııasynyń; 5. «Ádilet» demokratııalyq partııasynyń; 6. Qazaqstannyń Patrıottary partııasynyń; 7. «Rýhanııat» partııasynyń; 8. Qazaqstannyń Kommýnıstik halyq partııasynyń. Jalpy alǵanda, Ortsaılaýkom 386 kandıdatty tirkedi. 1 depýtattyq mandatqa shamamen 4 adam básekelesedi. Tirkelgen kandıdattardyń arasynda 12 ulttyń ókilderi bar. Úmitkerlerdiń ortasha jasy – 54 jas. Áıelder – 21%. Kandıdattardyń 99% joǵary bilimi bar. Olardyń 35% zańgerlik nemese ekonomıstik bilim. 30% jýyǵy halyq sharýashylyǵynyń túrli salalarynyń mamandary bolyp tabylady. Tirkelgen kandıdattardyń 13%-y – tórtinshi shaqyrylǵan Parlamenttiń depýtattary. Tórtten biri – kommersııalyq qurylymdardyń qyzmetkerleri, 12%-ǵa jýyǵy memlekettik organdar men mekemelerde, taǵy 16%-ǵa jýyǵy ǵylym, mádenıet jáne bilim salasynda jumys isteıdi. 14 jeltoqsanda Qazaqstan Respýblıkasynyń Ortalyq saılaý komıssııasynda saıası partııalardyń ataýlaryn saılaý bıýlletenine engizý týraly jerebe tartý ótti. Jerebe tartý nátıjeleri boıynsha 2012 jylǵy 15 qańtarda daýys berý kezinde saıası partııalardyń ataýlary saılaý bıýlleteninde kelesi tártipte ornalasatyn bolady: 1. «Nur Otan» halyqtyq-demokratııalyq partııasy. 2. Qazaqstannyń Patrıottary partııasy. 3. «Rýhanııat» partııasy. 4. Qazaqstannyń «Aq jol» demokratııalyq partııasy. 5. Jalpyulttyq sosıal-demokratııalyq partııa. 6. Qazaqstannyń Kommýnıstik halyq partııasy. 7. Qazaqstan sosıal-demokratııalyq «Aýyl» partııasy. 8. «Ádilet» demokratııalyq partııasy. 16 jeltoqsannan bastap partııalyq tizimderi tirkelgen saıası partııalardyń barlyǵy úgit jumysyna kirise alady.Máslıhattar depýtattyǵyna kandıdattar usyný jáne tirkeý barysy týraly
14 jeltoqsanda máslıhattar depýtattyǵyna kandıdattar usyný aıaqtaldy. Aldyn ala málimetter boıynsha 9990 kandıdat usynylǵan. Sonyń ishinde oblystyq, Astana men Almaty qalalyq máslıhattarǵa – 1912; aýdandyq máslıhattarǵa – 5949; qalalyq máslıhattarǵa – 2129 kandıdat usynylǵan. Máslıhattar depýtattyǵyna 7554 kandıdat tirkelgen. Máslıhattar depýtattyǵyna kandıdattardy tirkeý 2011 jylǵy 20 jeltoqsanda aıaqtalady.Shet memleketter men halyqaralyq uıymdardyń baıqaýshylaryn akkredıtteý týraly
15 jeltoqsandaǵy jaǵdaı boıynsha, Qazaqstan Respýblıkasynyń Ortalyq saılaý komıssııasy Qazaqstan Respýblıkasy Syrtqy ister mınıstrliginiń usynymy negizinde 47 halyqaralyq baıqaýshyny akkredıttedi, olardyń 46-sy EQYU/DIAQB Mıssııasynyń jáne 1-i TMD-dan baıqaýshylar Mıssııasynyń quramyna kiredi.Ortsaılaýkomǵa kelip túsken ótinishter týraly
2011 jylǵy 16 qarasha men 14 jeltoqsan aralyǵyndaǵy kezeńde Ortsaılaýkomǵa 39 ótinish kelip túsken. Olardyń 27-i saılaý naýqanynyń ártúrli aspektileri boıynsha ótinishter, taǵy 11-i – saılaý komıssııalarynyń, saılaý úderisine qatysýshylardyń jáne buqaralyq aqparat quraldarynyń qyzmetine qatysty. Qazaqstan Respýblıkasynyń Ortalyq saılaý komıssııasy
