SEGIZDIK saılaýǵa saqadaı saı

Ádiletti saılaý – basty mindetimiz Elbasy N.Nazarbaev «Nur Otan» HDP saılaýaldy shtabyna osyndaı mindet qoıdy Keshe el Táýelsizdiginiń 20 jyldyǵyna oraı ótkizilgen merekelik sharalarmen qa­tar, Májilis jáne más­lıhat saılaýlaryna qatysatyn saıası partııalar úshin úgit-nasıhat jumystary bas­ta­lyp ta ketken-di. Osy kúni Qazaqstan Prezıdenti, «Nur Otan» HDP Tóraǵasy Nur­sultan Nazarbaev partııa­nyń respýblıkalyq qoǵam­dyq shtabynda boldy. «Nur Otan» HDP Ortalyq apparatynda Elbasy  saraptama-taldaý tobynyń, baspasóz jáne logıstıkalyq ortalyqtary ju­my­symen jan-jaqty tanysty. So­nymen birge, osy jerde óńir­lermen beınemájilis túrinde par­tııanyń saılaýaldy óńirlik shta­by­nyń jetekshilerimen se­lek­torlyq keńes ótti. Keńesti ash­qan partııa Tór­aǵa­sy  Májilis pen jer­gilikti más­lı­hat­tar saı­laýy­na daı­yndyq bary­syn jo­ǵa­ry baǵa­lap, onyń dál 16 jel­toqsan kúni bastalǵanynda te­reń mán jatqan­dy­ǵyn jetkizdi. Táý­­el­sizdiktiń 20 jyldyǵy Qazaq­stan­nyń damýy­nyń jańa ta­raýyn ashyp berip otyr. Májilis saılaýy qazaq­stan­dyq saıası júı­eni de­mo­kra­­tııa­landyrýdyń jańa kezeńi bo­lýy kerektigin tilge tıek etken Nur­­sultan Ábishuly onyń qory­tyn­dysy boıynsha tómengi palata qu­ramynda keminde eki saıa­sı partııa bolýy kerektigin erek­she atady. «Nur Otannyń» respýblıka­lyq qoǵamdyq shtaby keńesiniń oty­rysynda Elbasy erekshe kóte­rińki kóńil kúıde boldy. Zalǵa jınalǵan partııa múshe­leri­men  emen-jarqyn áńgime-dúken quryp, ara-arasynda ázildep te otyrdy. Aldymen sóz «Rodına» JShS tór­aǵasy Ivan Saýerge berildi.       Ol je­keshelendirý kezinen beri óz sha­rýashylyǵyndaǵy 480 úles­shiniń áli birde-bireýi ujym­nan shyq­pa­ǵanyn, onyń árqaı­sysynyń úlesi 600 ese óskendigin ortaǵa sala oty­ryp, osynyń barlyǵy da El­ba­synyń sarabdal saıasaty arqa­syn­da múmkin bol­ǵandyǵyn jetkizdi. Parlament Májilisiniń bu­ryn­ǵy depýtattary Aıtkúl Sa­maqova men Darıa Klebanova qa­rapaıym turǵyndar tarapynan Elbasyǵa degen erekshe iltı­pat­tyń saqtalyp otyrǵandyǵyn aıta kelip, sondyqtan da qoldaýǵa ázir ekendigine sendirdi. Al «Ha­lyq Qaharmany», general-leıtenant Ba­qytjan Ertaev Otan qorǵaý óziniń bala kezinen arma­ny bol­ǵa­nyn, sol armanyna qol jetkizgenin málimdep, osy ýa­qyt­qa deıin jasaǵan qyzmeti Otany­myzdy qor­ǵaý maqsatymen úndes shyqqa­nyn jarııa etti. Ol son­daı-aq qazirgi tańda ardagerlerge kóp­te­gen qoldaýlardyń bolyp jatqandyǵyn atap kórsetti. Al «Saýap» respýblıkalyq qoǵamdyq qorynyń prezıdenti, jazýshy Baqytbek Smaǵul tipti merekege oraı bir shýmaq óleń de oqyp berdi. Ol óz sózinde bizdiń 20 jyl ishinde qol jetken eń úlken jetistikterimizdiń biri – turaqtylyq, tatýlyq jáne beıbitshilik ekenin basa aıtty. Ol tek qana Tuńǵysh Prezıdent Nur­sultan Ábishuly Nazarbaevtyń syndarly saıasatynyń arqasynda qol jetip otyrǵan tabystar. Olaı bolsa, «Nur Otan» par­tııasy Pre­zıdenttiń mańyzdy bas­tamalaryn júzege asyryp, eli­mizdi kór­keı­týge, halyqtyń turmysyn jaq­sar­týǵa zor úles qo­syp kele jatqan halyqtyq uıym, degen ustany­mymen de bólise ketti. Partııa Tóraǵasynyń birinshi orynbasary Nurlan Nyǵmatýlın Memleket basshysyn respýblı­ka­lyq qoǵamdyq shtab saılaýǵa to­lyq daıyn ekendiginen habardar etti.  Ol saılaýǵa daıyndyq ba­ry­sy onyń ótetin merzimi anyq­talǵan kúni-aq bastalyp ketkendigin jetkizdi. Elimizdiń barlyq óńirinde 226 shtab qurylǵan. Qa­zaqstannyń tıisti saılaý zańna­ma­syna tolyq jaýap beretin saı­laýaldy naýqannyń jelilik kestesi men medıa-jospary ázir­le­nip, zań saraptamasynan ótken­di­gin de ortaǵa saldy. Saılaýaldy shtabtar quramyna qoǵam belsendileri, úkimettik emes uıymdar ókilderi kirse, odan basqa taǵy 64 myńdaı erikti tartylǵany belgili boldy. – Elimiz táýelsizdik alǵan 20 jyl ishinde jetken jetistikteri bizdiń úgit-nasıhat jumystary­myz­dyń negizgi taqyrybyna aı­nalady, sonymen birge, Qazaq­stan­da júrgizilip jatqan áleý­mettik saıasat artyqshylyq­ta­ryna da basa nazar aýdarylatyn bo­la­dy, – dedi respýblıkalyq shtab je­tekshisi óziniń sózinde. – Jáne barlyq saılaýshylarǵa saı­laýal­dy tuǵyrnamada kórse­til­gen maq­sat­tar men mindetterdi jetkizý kóz­delýde. Nasıhat ju­mys­tary ba­rysynda halyqqa, ási­rese, jergilikti jerlerdegi turǵyndarǵa 20 jyldyq da­mýdyń negizgi tabys­ta­ryn, eń bastysy – osy jetis­tik­terdiń árbir qazaq­standyqqa, árbir ot­basyna qalaı oń áserin tıgizgenin túsindirý  negizgi mindet bolyp tabylady.  Sondyqtan da úgit-nasıhat ju­mystary eli­miz­diń barlyq aımaq­taryn qam­typ, ár túrli aýdıtorııa úshin naqty júrgizilmek. Selektorlyq keńes bary­syn­da, sonymen qatar, partııanyń saı­laýaldy óńirlik shtabynyń jetekshileriniń baıandamalary tyńdaldy. Memleket basshysy bar­lyq partııalardyń, sondaı-aq memlekettik organdardyń saı­laý­aldy naýqan kezeńinde qolda­nys­taǵy zańnamany qatań saqtaý qa­jettigine nazar aýdardy. «Bizdiń aldymyzda ádiletti jáne taza saılaý ótkizý mindeti tur. Barlyq bılik organdary tek óz isterimen aınalysyp, saılaý naýqanynyń barysyna kedergi keltirmeýleri ke­rek, – dedi Memleket basshysy qatań eskertip. – Osyǵan oraı  Bas prokýratýraǵa zańnamanyń saqtalýyn qadaǵalaýdy, onyń  buzylýy faktileri týraly sha­ǵymdar men ózge de ótinishterge jedel jaýap qaıtarýdy qamta­ma­syz etýdi tapsyramyn. Saılaýdy baqylaýdy jáne qoǵamdyq tekserýdi qamtamasyz etý baǵytynda Baılanys jáne aqparat mınıstrligine Ortalyq saılaý komıs­sııasymen birlesip, barlyq saıası partııalardyń buqaralyq aqparat quraldaryna teń qoljetimdiligin qamtamasyz etýdi júkteımin. «Nur Otan» men ózge de partııa­lardyń negizgi basymdyqtary birlikti jáne qoǵamnyń tynysh­tyǵyn nyǵaıtý bolýy tıis. Elbasy kelesi kezekte qa­zirgi tańda  «Nur Otan» óziniń halyq­tyq partııa ekenin dálel­degenin atap ótti.  Prezıdenttik saılaý qa­zaqstandyqtardyń júr­gizilip otyr­ǵan saıasatty tolyq qoldaı­tynyn jáne ulttyń strategııa­lyq baǵyt­pen júrýge daıyn ekenin anyq kórsetti. Bizdiń partııamyzǵa 850 myń­nan astam adam múshe. Elimiz boıynsha 7 myń bastaýysh uıym­dary jumys isteıdi. Sondyq­tan biz adamdarǵa ne kerektigin, elimizge ne qajet ekendigin bilemiz. Saılaýaldy naýqan kezeńinde bo­lashaq damýymyzdyń strate­gııa­syn, onyń negizgi basymdyq­taryn halyqqa túsindirý mańyz­dy, dedi. Atalǵan basym­dyqtar partııanyń «Ulttyq is-qımyl jospary. Qazaq­stan. Maqsattar 2017» saılaýaldy tuǵyrna­masynda jáne Elbasynyń «Nur Otan» HDP-nyń XIV sezin­de sóılegen sózinde kórinis tapqan. Bul – partııanyń saılaýaldy shtabynyń basty mindeti. Jalpy, nurotandyqtar óz maq­sattaryn árbir úıge kirip, árbir saı­laýshyǵa jetkizýge daıyn. Sebebi, partııanyń saı­laýaldy tu­ǵyrnamasy – Qa­zaqstannyń aldaǵy 5 jyldyq damý jospary. Onyń negizin Prezıdent strategııasy men «Ha­lyqtyń daýysy» aksııasy ar­qyly jınalǵan halyqtyń tilegi quraıdy. Asqar TURAPBAIULY, Sýretterdi túsirgender S.BONDARENKO, B.OTARBAEV.   Sherýin Almatydan bastady Májilis saılaýyna qatysa­tyn saıası partııalar úshin nasıhat jumystaryn júrgizý bastaý alsa, odan Qazaqstan Pat­rıot­tary partııasy da syrt qal­ǵan joq. Atalǵan partııa músheleri alǵashqy sharalaryn keshe Al­matyda ótkizdi. Almaty turǵyndary elimiz Táýelsizdiginiń 20 jyldyǵyn atap ótýdi «Táýelsizdik monýmentine» gúl shoqtaryn qoıý arqyly azattyq jolynda qurban bolǵan ult batyrlary rýhyna taǵzym etýden bastady. Qoldaryna gúldeste ustap kele jatqan Uly Otan soǵysy men eńbek ardagerleri, qoǵam qaırat­kerleri men saıasatkerler arasynda partııa tóraǵasy Ǵanı Qasymov ta boldy. – Biz elimizdiń progress jáne demokratııa jolymen ilgeri júrýin qalaımyz. Táýelsizdik, azattyq jolynda jandaryn pıda etkender osy kúndi kóre almaı ketti. Son­dyqtan búgingi urpaq egemendiktiń qadirin túsine bilýleri tıis... Jalpy, Otanymyz jıyrma jylda tolaıym tabystarǵa qol jetkizdi, bolashaqta osy baǵyttan taımaı, ekonomıkasy damyǵan, irgeli memleket bolyp qalyptasý jolynda jumys isteýimiz kerek, – dedi Ǵ.Qasymov. Aınash ESALI.   «Rýhanııatqa» arnalǵan fılm Keshe saılaý naýqanyna qaty­sa­tyn partııalardyń biri – «Rýhanııat» saılaýaldy úgit-nasıhat jumystaryna kirisip ketti. Partııa el ekonomıkasyn kóterýdi, áleýmettik máseleler­di sheshýdi, bıik adamgershilikti jáne rýhanı baı qoǵamdy damytýdy óziniń basty baǵdary etip alǵan. Partııanyń kezekten tys VIII sezinde partııa tóraǵasy Serikjan Mámbetalın «Rýhanııat» par­tııasynyń Jarǵysyna ózgeris engizilgenin atap óte kele, partııa usynǵan kandıdattardyń barly­ǵy derlik joǵary bilimdi, saıasattan habary bar, kózi ashyq adamdar ekendigin alǵa tartqan bolatyn. «Rýhanııat» partııasy úgit-nası­hat jumystaryn keshe Almatyda patrıottyq fılmniń tusaýkeseri­men bastady. Jýyrda ǵana túsiril­gen «Aısha» fılminiń rejısseri Erkin Raqyshev 7 serııaly týyndy­syn «Rýhanııat» partııasyna arnaı­tyndyǵyn jetkizdi. Rejısser Erkin Raqyshevtiń «Rýhanııat» partııasyna qabyldanǵany kúni keshe ǵana eken. «Búgingi tańda eń bastysy, halyq­tyń múddesin qorǵaý, solar úshin jumys isteý. Buǵan qosa, til máselesi, jumyssyzdyq máselesi de bar», – dedi rejısser. Mamadııar JAQYP.   Usynys-pikirler de tyńdalady Keshe Qazaqstannyń «Aq jol» demokratııalyq partııasynyń saıası basshylyǵy partııanyń Astana qalasyndaǵy respýblıkalyq shta­bynda bas qosyp, Parlament Má­jilisi depýtattarynyń saılaýyn­daǵy saıası básekege daıyn ekendikterin málimdedi. Partııa ózderiniń saılaýaldy úgit jumystaryn eń aldymen eli­mizdiń shalǵaıdaǵy eldi mekenderinen bas­ta­p otyr. Bul baǵdarlamanyń bas­tapqy bóligi bolsa kerek. Son­dyqtan da kezdesýlerde partııa ókilderi saılaýshy­lardy ózderiniń saılaýaldy tuǵyr­namasymen tanys­ty­ryp qana qoı­maı, saılaýshy­lardyń da usynys-pikirlerin tyń­dap, olardy sheshý joldaryn qarastyrmaq. «Bizdiń partııa saılaýaldy úgit jumystary bastalǵan kúni elimizdiń birqatar eldi mekenderinde bolyp, saılaýshylarmen kezdesýler ótkizdi, – dedi «Aq jol» partııasynyń tór­aǵasy Azat Perýashev bizben áńgi­mesinde. – Elimizdiń 8 oblysyndaǵy saılaýshylarmen kezdesý barysy kórsetkendeı, kópshilikti áleýmettik máseleler tolǵandyrady eken. Bular negizinen kommýnaldyq qyzmet kór­setý tarıfteriniń qymbatshyly­ǵy­na, jumyssyzdyqqa, turǵyn úımen qamtamasyz etýge baılanysty». Álısultan QULANBAI.   Kez kelgen partııaǵa úlken syn Keshe Almatyda Jalpyult­tyq sosıal-demokratııalyq par­tııa­sy­nyń elimizdiń 16 óńirinen kelgen ókilderiniń qatysýymen par­tııa­nyń saılaýaldy alǵashqy jıyny bolyp ótti. Partııa bas­shyla­rynyń pikirinshe, elimizdiń Parlamenti mindetti túrde kóp­partııaly bolýy tıis. «Elimizdiń Prezıdenti aıtqan­daı, kóppartııaly Parlament bolýy úshin oǵan qazirgi bılikke pikirin ashyq, oryndy jáne dáleldi aıtyp júrgen partııa kirý kerek dep oı­laımyn, – dedi Jalpyulttyq sosıal-demokratııalyq partııasy­nyń bas hatshysy Ámirjan Qosanov. – Osyndaı kóppartııaly Parlamentti qura alatyn bolsaq, onda hal­qymyzdyń, qoǵamymyzdyń damýy­nyń úlken kezeńi bolmaq». Jalpyulttyq sosıal-demokra­tııalyq partııasynyń saılaýaldy tu­ǵyrnamasynda, joǵaryda atap ótke­nimizdeı, áleýmettik salaǵa basa mán berilgen. Endi olar ózderi daıyn­daǵan ári qabyldaǵan tuǵyrnama aıasynda elimizdiń barlyq óńirlerine baryp, saılaýaldy úgit jumystaryn júrgizetin bolady. Jalpyulttyq sosıal-demo­kratııalyq partııasynan Parlament Májilisiniń depýtattyǵyna partııa­lyq tizimmen 54 kandıdat tirkelgen edi. Kandıdattardyń quramynda bes ulttyń ókili bar. Qanat ESKENDIR.   Halyq jaqsy ómirge laıyqty Keshe Almaty kóshelerinde tań­­sáriden bastap halyqshyl kommýnısterdi qoldaýǵa arnalǵan únpa­raq­tar taratylyp, urandar men túrli-tústi plakattar ilindi. Partııa atynan Parlament Máji­lisiniń saılaýyna 21 adam qatysý­da. QKHP bıylǵy saılaýǵa tuǵyrnamasyn jan-jaqty ázirlep, alǵa qoıǵan maqsat-mindetterin aıqyndap kelip otyr. Partııa alǵa qoıǵan min­det­terdiń barlyǵy QKHP-nyń «Qazaq­stannyń bolashaǵy úshin» dep ata­latyn baǵdarlamasynda naqty kórsetilgen. Parlament Májilisi depýtat­tyǵynan úmitkerlerdiń biri Galına Baımuhanovanyń aıtýynsha, qazirgi kezde halyqtyń ál-aýqatyn jaqsartý – ózekti máselelerdiń biri. Son­dyqtan biz eńbekshi halyqtyń múddesin qorǵaı otyryp, baılarmen emes, kedeıshilikpen kúresýdi de maqsat etýdemiz. Bizdiń eldiń árbir azamaty jaqsy ómir súrýge laıyqty. Depýtattyqqa kandıdattardyń ishinde dárigerler, pedagogtar, ǵalymdar, bıznesmender, sharýalar men basqa da mamandyq ıeleri bar. Osylaısha biz Parlament Májilisine qarapaıym halyqtyń ara­synan sýyrylyp shyqqan azamattar­dyń da saılanýy kerek ekenin kór­setkimiz keledi, deıdi G.Baımuhanova. Qorǵanbek AMANJOL.   Basty baǵdarlary aıqyn Keshe Májilis depýtattarynyń saılaýy boıynsha úgit-nasıhat ju­mystary bastalyp ketti. Aldaǵy saıası dodada óz kúsh-qaıratyn sy­naıtyn mundaı partııalardyń biri – Qazaqstannyń Sosıal-demo­kratııalyq «Aýyl» partııasy. 2 jeltoqsan kúni Qazaqstannyń Sosıal-demokratııalyq «Aýyl» par­tııasynyń kezekten tys VIII sezi ótken bolatyn. Bul jıynda par­tııa­nyń saılaýaldy tuǵyrnamasy bekitilip, «Aýyl» partııasynyń aty­nan kandıdattar tizimi usynyl­ǵan-tyn. Ǵanı Qalıev jetekshilik etetin bul partııanyń negizi 2000 jyly qalansa, búginde onyń quramyna 200 myńnan astam azamat toptasyp úlgergen. Partııanyń VIII sezinde: «Men «Aýyl» partııasynyń bedeli úshin qolymnan kelgenshe kúresemin. Endigi Parlamentke múshe bolatyn adam­dardyń ishinde quryǵanda ult­tyń múddesin qorǵaıtyn 10 adam kerek», dep sóz sóılegen «Máde­nıet» jýr­nalynyń bas redaktory, jazýshy Dýlat Isabekovtiń, son­daı-aq, «Aýyl» partııasy múshe­leriniń kózdegen maqsat-mindette­riniń qanshalyqty deńgeıde júzege asatyny ýaqyt enshisinde. Ázirge, «Aýyl» partııasy el-eldi aralap, úgit-nasıhat jumys­taryna batyl kirisip ketti. Láıla EDILQYZY.   40 paıyz daýys jınamaq Keshe Astanada «Ádilet» demo­kratııalyq partııasy saılaý naý­qanyn bastap ketti. «Ádilet» par­tııasynyń tóraǵasy Maqsut Nárik­baevtyń aıtýynsha, Parlament Má­­jilisine saılanǵan jaǵdaıda olar keń kólemdi konstıtý­sııalyq re­formalardy júrgizip, zań shy­ǵarýshy organnyń ókilettigin art­tyrýǵa, táýelsiz sot júıesin qalyp­tastyryp, atqarýshy bılikten táýel­siz oblysaralyq okrýgtik jáne ha­lyqtyq beıbit sot bıligin, ıaǵnı bıler sotyn ornatýǵa kúsh salatyn bo­lady. – Qazirgi kezde elimizde azamat­tardyń eńbek quqyn zań jú­zinde qorǵaý qajettiligi týyndap otyr, – deıdi M.Nárikbaev. – Olar­dyń arasynda aýla sypyrýshy, bala baǵýshy, bazarda satýshy bolyp ju­mys isteıtin adamdar kóp. Bizdiń partııanyń maqsaty – árbir aza­mattyń zańdy múddesi men quqyn qorǵap, olardyń laıyqty ómir súrýine jaǵdaı jasaý. Buǵan deıin Ádilet partııasy saı­laýshylardyń 10 paıyz daýysyn jı­naıtynyna senimdi bolsa, qazir ózde­riniń baǵdarlamasynda kórsetil­gen basym baǵyttardyń nátıjesinde ha­lyqtyń 40 paıyz daýysyn jı­naı­tyndaryna úmittenetinderin bildirýde. Qazir partııalyq tizimdegi 59 úmitkerdiń ishinde Maqsut Nárikbaev, Ýálıhan Qaısarov pen Murat Raev sııaqty elimizge belgili azamattar bar. Dastan KENJALIN.