Soltústik jáne Ortalyq Qytaı provınsııalarynyń áleýmettik, ekonomıkalyq jáne mádenı salalardaǵy zor jetistikteri men ekologııalyq ortany qorǵaý jáne turaqty damýdy qamtamasyz etý isindegi qundy tájirıbesin aıǵaqtaıtyn sýretter toptamasy qoıylǵan kórmeniń ashylý saltanatynda Qytaı Halyq Respýblıkasy elshiliginiń senimdi ókili Lıý Izıan Pın: «Qytaı Halyq Respýblıkasynyń Qazaqstandaǵy elshiliginiń atynan osy sharany uıymdastyrǵan barshańyzǵa alǵysymdy aıtamyn.
Osy jyldyń basynda Qytaı elshiligi Ulttyq mýzeımen birlesip, «Tańǵajaıyp Qytaı» fotokórmesin uıymdastyrǵan bolatyn. Qytaıdyń erekshe jáne san alýan mádenıetin pash etetin kórmeniń kelbetinen onyń ashyq esik saıasatynyń 40 jyldyq damý jolyndaǵy jetistikterin kórýge bolady. «Bir beldeý, bir jol» jobasyn birge salyp, ortaq taǵdyrlar toǵysynda alar asýlar men bıik belesterdi birge baǵyndyramyz dep senemin», dedi.
Beıjiń, Tıanzın qalalarynyń jáne Henan, Hýbeı, Hýnan provınsııalarynyń sońǵy 40 jyl ishindegi sáýletti kórinisteri – kórmeniń ózegi. Beıjiń qalasyndaǵy Uly Qytaı qorǵany men tyıym salynǵan ımperatorlyq qalanyń tarıhı murasynan bastap, Chjýngýansýn, Bank jáne qarjy kóshesine deıingi Qytaı astanasynyń eski kórinisi men jańa kelbetin tamashalaı alasyz. Sonymen qatar besinshi avenıýdegi Shyǵys pen Batystyń úılesimdi qospasy, Tıanhe-1 jáne Tıansın porttary sulýlyǵymen kóz tartady.
Lıýshandaǵy Shaolın, Longmen úńgirleriniń mádenı murasy men erkin saýda aımaǵy, Chjenchjoý áýejaıynyń búgingi kórinisi, Henan provınsııasynyń ekonomıkalyq damý úrdisi fotograftardyń obektıvine sátti ilingen. Shanhaıgýannyń qarqyndy ımpýlsi, Pekın-Taıansın-Hebeı ıntegrasııasy, Sýnag aýdanynyń jańa jobasy, dástúrli qytaı mýzykalyq óneri men aspaptary da kórmede kórinis tapqan.
Kórmege qoıylǵan 100-den asa tańdaýly sýretterden Soltústik jáne Ortalyq Qytaıdyń tirshilik tynysy men ómir aǵysynan mol habar alǵandaı bolasyń. Jańa zamannyń sáýlet óneri men tehnologııalyq damýy da kisi qyzyǵarlyqtaı.
«Tańǵajaıyp Qytaı» fotokórmesiniń toptamasy Qytaıdyń sońǵy bes jyl ishindegi qol jetkizgen tarıhı jetistikterin jan-jaqty ashyp, reforma men ekonomıka, saýda, kedeıshilikpen kúres, ǵylym men tehnıka, ınnovasııa, transport, qorshaǵan ortany qorǵaý, sybaılas jemqorlyqpen kúres, ásker qurylysy, syrtqy baılanys sııaqty saıası ustanymdardy da erkin sezindiredi.
Baǵashar TURSYNBAIULY,
«Egemen Qazaqstan»
