- 169/5 mekemesi janynda keshki mektep esebinen ashylǵan polıtehnıkalyq kolledjdiń fılıaly bar. 2017-18 jyldary baǵdarlamaǵa sáıkes 37 sottalǵan oqýdy bitirip, dıplom aldy. Qazirgi tańda 2018-19 jyldary taǵy qosymsha tiginshi mamandyǵyn oqytýǵa baılanysty josparǵa engizildi,-dedi QAJD basshysynyń orynbasary Júnis Ábdiqaıyrov.
Túzetý mekemesindegi toǵyz sehta jumys júrip jatyr. Bir sehta taza bylǵarydan aıaq-kıimder tigilip jatsa, ekinshisinde kúnige 10 myń dana kirpish daıyndalyp, 50 sharshy metr tas tósenishter ázirlenedi. Onyń syrtynda doıby, shahmat sııaqty kádesyılar da jurtshylyq suranysyna ıe. Buıymdar zerthana synaǵynan ótetindikten sapasy kóńilge qonymdy. Temir tordan keıin de ómir bar. Jazasyn óteýshiler osylaısha jańa kásipke beıimdelip jatyr.
